"კიდევ რამდენი წითელი ხაზი უნდა გადაკვეთოს საქართველოს ხელისუფლებამ იქამდე, სანამ აშშ საფასურს დააწესებს ამის საწინააღმდეგოდ" - იან კელი
კიდევ რამდენი წითელი ხაზი უნდა გადაკვეთოს ამ ხელისუფლებამ იქამდე, სანამ აშშ საფასურს დააწესებს ამის საწინააღმდეგოდ ,- ასე ეხმაურება საქართველოში ამერიკის შეერთებული შტატების ყოფილი ელჩი იან კელი აქციაზე განვითარებულ მოვლენებს სოციალურ ქსელ X-ში.
ყოფილი ელჩი დღევანდელ აქციაზე გადაღებულ კადრებს აზიარებს, რომელზეც სამართალდამცველების მიერ დემონსტრანტების დაკავებისა და მათთან ფიზიკური დაპირისპირებაა ნაჩვენები.
იან კელი მიიჩნევს, რომ ოფიციალურმა ვაშინგტონმა აღნიშნული მოვლენები უნდა დაგმოს.
"კიდევ რამდენი წითელი ხაზი უნდა გადაკვეთოს ამ ხელისუფლებამ იქამდე, სანამ ამერიკის შეერთებული შტატები დაგმობს ამას და დააწესებს საფასურს ამის საწინააღმდეგოდ“,- განაცხადა იან კელიმ.
- ცნობისთვის, ამ დროისთვის უკიდურესად დაძაბულია ვითარება რუსთაველის გამზირზე. სამართალდამცველებმა რუსთაველის გამზირზე მიმდინარე აქციის დასაშლელად წყლის ჭავლი, ასევე რეზინის ტყვიები და ცრემლსადენი გაზი რამდენჯერმე გამოიყენეს.
ცოტა ხნის წინ საგანგებო განცხადება გაავრცელა პრეზიდენტმა და მიმართა შს მინისტრს, რომ დაუყოვნებლივ შეწყვიტოს მშვიდობიანი აქციის დარბევა, არაპროპორციული ძალის გამოყენება, შიშველ ხელებით მოსულ ახალგაზრდების წინააღმდეგ ძალადობა.
წაიკითხეთ ასევე:
- "აქციაზე აშშ-ის მოქალაქე, იურისტი ტედ ჯონასი დააკავეს და უკიდურესად სცემეს" - ეკა გიგაური
- შსს განმარტავს, რატომ გამოიყენეს აქციაზე წყლის ჭავლი და სხვა საშუალებები - უწყება ახალ განცხადებას ავრცელებს
- "ძალადობად არ უნდა ჩაითვალოს, მათ შორის, უბრალო მიწოლა ან ხელის კვრა... აქციას აქვს მშვიდობიანი ხასიათი და არ არსებობს ძალის გამოყენების საფუძველი" - ომბუდსმენი