რამდენიმე წუთის წინ გავრცელდა ფოტო სადაც სასტიკად ნაცემი ლევან ხაბეიშვილია გადაღებული. მანამდე ვრცელდებოდა ინფორმაცია, რომ "ნაციონალური მოძრაობის" თავმჯდომარეს ვერ პოულობდნენ.
"რამდენიმე წუთის წინ, ბიძინა ივანიშვილის პირადი დავალებით, საქართველოში რუსული რეჟიმის წარმომადგენლებმა გაიტაცეს ერთიანი ნაციონალური მოძრაობის თავმჯდომარე, პარლამენტის წევრი ლევან ხაბეიშვილი.
დაკავების მომენტში იგი აქციაზე დაშავებულ მოქალაქეს ეხმარებოდა. ერთიანი ნაციონალური მოძრაობა მიმართავს შინაგან საქმეთა სამინისტროს, უზრუნველყოს ლევან ხაბეიშვილის ფიზიკური უსაფრთხოება და დაუყოვნებლივ გაათავისუფლოს იგი" - ნათქვამია პარტიის მიერ გავრცელებულ განცხადებაში.
ცნობისთვის, ამ დროისთვის უკიდურესად დაძაბულია ვითარება რუსთაველის გამზირზე. სამართალდამცველებმა რუსთაველის გამზირზე მიმდინარე აქციის დასაშლელად წყლის ჭავლი, ასევე რეზინის ტყვიები და ცრემლსადენი გაზი რამდენჯერმე გამოიყენეს.
ცოტა ხნის წინ საგანგებო განცხადება გაავრცელა პრეზიდენტმა და მიმართა შს მინისტრს, რომ დაუყოვნებლივ შეწყვიტოს მშვიდობიანი აქციის დარბევა, არაპროპორციული ძალის გამოყენება, შიშველ ხელებით მოსულ ახალგაზრდების წინააღმდეგ ძალადობა.
წაიკითხეთ ასევე:
