იტალიაში, ბინის გაძარცვის ბრალებით 23 წლის ქართველი დააკავეს

იტალიაში კარაბინერებმა 23 წლის ქართველი ქურდობის ბრალდებით დააკავეს.

გამოძიების ცნობით, ორი ადამიანი შეიჭრა პენსიონერის ბინაში, რომელიც იმ დროს საზღვარგარეთ შვებულებაში იმყოფებოდა.

იქ დაყენებული განგაშის სიგნალის ჩართვის შემდეგ კი, ბინის მეპატრონის შვილმა ვიდეოსათვალთვალო კამერებში ნახა ორი პირი, რომლებსაც სახლიდან მოპარული ნივთები, მათ შორის საათები და ძვირფასეულობა, ჩანთებით გაჰქონდათ

მეპატრონის შვილი შინ მივიდა, რა დროსაც მათ შორის ფიზიკური დაპირისპირება მოხდა. ერთ-ერთმა პირმა გაქცევა მოახერხა.

შემთხვევის ადგილზე მისულმა სამართალდამცველებმა ქართველის დაკავება შეძლეს და რომის რებიბიას ციხეში გადაიყვანეს. მიმდინარეობს მისი თანამზრახველის ძებნა.