თუშიშვილის ვერცხლი და საქართველოს დელეგაცია - 7 მედლით ევროპის ჩემპიონატზე პირველია
ხორვატიის დედაქალაქ ზაგრებში ევროპის ჩემპიონატის ბოლო საშეჯიბრო დღეს, ტატამზე საქართველოს ნაკრების სახელით ექვსი ძიუდოისტი წარსდგა, მათგან ფინალურ ბლოკში გურამ თუშიშვილი (+100 კილოგრამი), ილია სულამანიძე (-100 კილოგრამი) და ლაშა ბექაური (-90 კილოგრამი) გავიდნენ.
გურამ თუშიშვილი ფინალში რუსეთის წარმომადგენელ ინალ ტასოევს დაუპირისპირდა და სამწუხაროდ, დამარცხდა. მეტოქემ გურამი მის წამოწყებულ ილეთზე დაიჭირა და იპონით დაამარცხა. გურამ თუშიშვილმა ზედიზედ მეორედ, ევროპის ჩემპიონატზე ვერცხლის მედალი მოიპოვა.
მანამდე ილია სულამანიძე ფინალში მატვეი კანიკოვსკის დაუპირისპირდა და ისიც ვერცხლის მედალს დასჯერდა. ლაშა ბექაურმა კი ბრინჯაო მოიპოვა.
ზაგრებში ინდივიდუალური ასპარეზობები დღეს დასრულდება, გუნდური ასპარეზობები კი ხვალ, 28 აპრილს ჩატარდება. საქართველოს დელეგაცია 7 მედლით პირველ ადგილზეა - ქართველმა სპორტსმენებმა 2 ოქრო, 2 ვერცხლი და 3 ბრინჯაო მოიპოვეს. ხვალ ევროპის ჩემპიონატზე გუნდებს შორის დაიწყება შეჯიბრი.
იხილეთ ასევე: