ილია სულამანიძის დასანანი მარცხი ევროპის ჩემპიონატის ფინალში და ვერცხლის მედალი
ხორვატიის დედაქალაქ ზაგრებში ევროპის ჩემპიონატის ბოლო საშეჯიბრო დღეს, ტატამზე საქართველოს ნაკრების სახელით ექვსი ძიუდოისტი წარსდგა, მათგან ფინალურ ბლოკში გურამ თუშიშვილი (+100 კილოგრამი), ილია სულამანიძე (-100 კილოგრამი) და ლაშა ბექაური (-90 კილოგრამი) გავიდნენ.
ილია სულამანიძე ფინალში მატვეი კანიკოვსკის დაუპირისპირდა.
ქართველი ფალავანი, სამწუხაროდ, დამარცხდა და ვერცხლის მედალს დასჯერდა. სამწუხაროდ, ეს ზედიზედ მეორედ მომხდა. ამჯერად რუსმა მატვეი კანიკოვსკიმ ვაზარით დაამარცხა ილია. წინა ევროპის ჩემპიონატზეც ის ვერცხლის მფლობელი გახდა. ეს საქართველოს დელეგაციის მე-6 მედალია, მათგან ქართველმა სპორტსმენებმა 2 ოქრო, 1 ვერცხლი და 3 ბრინჯაო მოიპოვეს.
მანამდე ლაშა ბექაურმა ბრინჯაო მოიპოვა. წინ კი გურამ თუშიშვილის ფინალი გველოდება.
იხილეთ ასევე: