"ჩაკვეტაძეს ზაფხულში საქართველოს ნაკრებთან ერთად ევროპის ჩემპიონატი ელოდება, ამიტომ უნდა გავუფრთხილდეთ" - "უოტფორდის" მწვრთნელი "ჩაკვეს" ტრავმაზე

27 აპრილს, ინგლისის ჩემპიონატის მორიგ ტურში, "უოტფორდი" "სანდერლენდს" უმასსპინძლებს. როგორც ირკვევა, გიორგი ჩაკვეტაძე ამ მატჩში გუნდს ვერ დაეხმარება. Geo Team - ის ინფორმაციით, ქართველ ფეხბურთელს საზარდულის ტრავმა აქვს , რის გამოც ბოლო დღეებია ინდივიდუალური პროგრამით ვარჯიშობს.

"უოტფორდის" მთავარი მწვრთნელის, ტომ კლევერლის თქმით, მოახლოებული ევროპის ჩემპიონატის წინ გიორგი სრულად უნდა გამოჯანმრთელდეს, ამიტომ მოედანზე მის ნაჩქარევად დაბრუნებას არ გარისკავს.

"გიორგის საზარდულის პრობლემა აქვს და "სანდერლენდთან არ ითამაშებს. ჩაკვეტაძეს ზაფხულში საქართველოს ნაკრებთან ერთად ევროპის ჩემპიონატი ელოდება, ამიტომ უნდა გავუფრთხილდეთ, ჩვენ მასზე პირადად ვზრუნავთ”, - თქვა მან.

შეგახსენებთ, "უოტფორდი" სატურნირო ცხრილში 53 ქულით მე-15 ადგილს იკავებს.