ვულკანური მთა ანტარქტიდაზე, საიდანაც დღეში 6000 დოლარის ღირებულების ოქროს მტვერი იფრქვევა - რა არის ცნობილი ერებუსზე?
"ანტარქტიდაზე ვულკანური მთა ატმოსფეროში ყოველდღიურად აფრქვევს ოქროს ნაწილაკებს", - ამის შესახებ IFL Science იტყობინება.
- საუბარია ვულკანურ მთა ერებუსზე. ექსპერტები ამბობენ, რომ ვულკანური მტვერი, რომელიც ყოველდღიურად იფრქვევა, შეიცავს დაახლოებით 6000 დოლარის ღირებულების ოქროს. თუმცა ადგილი იმდენად იზოლირებულია დანარჩენი სამყაროსგან, რომ იქ მეცნიერებისთვისაც კი რთულია მისვლა კვლევის ჩასატარებლად.
აშშ-ის აერონავტიკისა და კოსმოსური ადმინისტრაციის თანახმად, ძვირფასი ლითონი მხოლოდ ერთ-ერთია იმ მრავალი ნაერთიდან, რომელიც ვულკანური მთიდან იფრქვევა.
"ჯერ კიდევ ბევრი რამ არის გასარკვევი ანტარქტიდაში ვულკანური მთების შესახებ და ასევე უშუალოდ ამ მოვლენის შესახებ", - ნათქვამია სამეცნიერო გამოცემის სტატიაში. კვლევები კი აქტიურად ვერ მიმდინარეობს, რისი მიზეზიც ამ ადგილის გეოგრაფიული მდებარეობაა.
მეცნიერთა თქმით, აქ არის მუდმივი მონიტორინგის ინსტრუმენტები, რომლებიც ძირითადად აღწერენ სეისმურ აქტივობებს და ვულკანის ამოფრქვევის შესაძლებლობაზე აწვდიან ინფორმაციას მკვლევრებს.
დაგეგმილია, რომ გამოიყენონ ტექნოლოგიების ახალი მიღწევები ამ ადგილის უფრო მეტად შესასწავლად და კვლევების ჩასატარებლად.
ნახეთ ასევე:
- "ელ-ნინიოს" გავლენა დასრულდა, წყნარი ოკეანე გაგრილდა" - როგორ იმოქმედებს ეს გლობალურ კლიმატზე?
- მარსზე აღმოაჩინეს ახალი ვულკანი, რომელიც ევერესტზე მაღალია - რაზე მიანიშნებს ეს და რას ამბობენ მეცნიერები?