აღარც ფეხშიშველი და არც ნახევრად შიშველი, თუმცა მოწყენილი - ბიანკა ცენსორის ახალი ფოტოები

ქანიე უესტი და მისი მეუღლე ბიანკა ცენსორი პაპარაცებმა ლოს ანჯელესის ქუჩებში მოწყენილი სახეებით დააფიქსირეს. წყვილი, განსაკუთრებით კი ბიანკა, მისთვის უჩვეულო სამოსში იყო გამოწყობილი. რეპერის ცოლს სამოსი ამჯერად რამდენიმე ფენად ეცვა და ზემოდან დუტის ჟილეტიც კი ჰქონდა მოცმული.

ქანიემ სპორტულ ტანსაცმელს მაინც არ უღალატა და უბრალოდ, მისი ფერები შეუსაბამა ცოლის სამოსს.

წყვილი, პოპულარულ ადგილს, Cienega Med Spa-ს თავიანთი "ტესლას" Cybertruck-ით ეწვია.

რამდენიმე დღის წინ გავრცელებული ინფორმაციის თანახმად, ბიანკასთვის სექსუალური შეურაცხყოფის მიყენებისთვის რეპერმა ცნობილ რესტავრატორს მუშტი უთავაზა. TMZ-ის ცნობით, შემთხვევა 16 აპრილს, ღამით, დისნეილენდიდან სახლში დაბრუნებისას მოხდა. ბევრი ვარაუდს გამოთქვამს, რომ ქანიემ შეცდომით სხვა მამაკაცს დაარტყა მუშტი. მომხდარს პოლიცია იძიებს.

იხილეთ ასევე: ქანიე უესტის წინააღმდეგ პოლიციამ გამოძიება დაიწყო - რეპერი ფიზიკურად გაუსწორდა მამაკაცს, რომელმაც, მის მეუღლეს ბიანკა ცენსორს სექსუალური შეურაცხყოფა მიაყენა

წყარო: thesun

მოამზადა: ანა სიბოშვილმა