მივიწყებული რეცეპტები კლასიკური ქართული სამზარეულოდან: როგორ მოვამზადოთ მჭადის ხაჭაპური
საქართველო ევროპისა და აზიის გზაგასაყარზე დგას და უძველესი სავაჭრო გზებითაა დასერილი. ხომ წარმოგიდგენიათ, რას ნიშნავს განსხვავებული კულტურებისა და ტრადიციების გადაკვეთის წერტილი?
მომსვლელს მოჰქონდა თავისი სამყარო, გემო, სურნელი, წამსვლელს მიჰქონდა აქაური ამბები და შთაბეჭდილებები, გემოებსა თუ სურნელებში ინახავდა ხსოვნას ამ ქვეყანაზე.
მჭადის ხაჭაპური
ხრაშუნა გარსით და გემრიელი შიგთავსით - მჭადის ხაჭაპური შესანიშნავია ჩაისთან მისართმევად.
ინგრედიენტები:
- გაცრილი სიმინდის ფქვილი 500 გ.
- იმერული ყველი გახეხილი 500 გ.
- წყალი - რამდენსაც შეიზელს.
მომზადება:
- სიმინდის ფქვილს დავაყაროთ მწიკვი მარილი, ნელ-ნელა დავუმატოთ წყალი და მოვზილოთ ნაზი ცომი.
- იმისათვის, რომ მჭადი გემრიელი გამოვიდეს, ცომი დიდხანს ვზილოთ ხელით, შემდეგ 15 წუთი დავასვენოთ.
- ცომის ნახევარი ხელში მოვაგუნდაოთ, მივცეთ მრგვალი ფორმა და მოვათავსოთ კარგად გახურებულ ტაფაზე, ხელით გავაბრტყელოთ თხელ ფენად, გუნდას არ უნდა ჰქონდეს ნაპრალები.
- მჭადის ცომზე გადავანაწილოთ ყველი, ზემოდან დავადოთ ცომის მეორე ნაწილი და გამოვაცხოთ 180 გრადუსზე აირღუმელში, დაახლოებით 40-45 წუთის განმავლობაში.
საინტერესო, ბევრი მივიწყებული კერძის რეცეპტს იპოვით წიგნში "კლასიკური ქართული სამზარეულო", რომელიც ასევე ძალიან კარგი საჩუქარია, კულინარიის მოყვარული ადამიანებისთვის.
წიგნი 3 ნაწილისგან შედგება. შესავალი, რეცეპტები და საქართველოს სხვადასხვა კუთხის კულინარიის ისტორიები. მკითხველისთვის ქართული ღვინის უნიკალური გემოები გაიხსნება, მასთან ერთად ყველის და ხორბლის ენდემური ჯიშების შესახებაც გაიგებთ.
