ემინემის ქალიშვილი, რომელიც რეპერის ცხოვრებაში მთავარი ადამიანია - რა არის ცნობილი ჰეილის შესახებ, რომელიც ახლა ქორწილისთვის ემზადება (ფოტოები)
ემინემის ქალიშვილის, ჰეილის შესახებ რეპერის სიმღერებიდან ბევრი გვსმენია. ამჟამად გოგონა ქორწილისთვის ემზადება და მეგობრებთან და დასთან, ალენასთან ერთად მოგზაურობს. გოგონა ფოტოებს სოციალურ ქსელშიც აქვეყნებს და კამერების წინ თეთრ საცურაო კოსტიუმში პოზირებს.
მისი საქმრო ევან მაკკლინტოკია. წყვილმა ერთმანეთი 2016 წელს მიჩიგანის სახელმწიფო უნივერსიტეტში სწავლის დროს გაიცნო, 2023 წელს კი ჰეილიმ ნიშნობის წვეულებიდან ფოტოები გააზიარა.
ჰეილი ემინემისა და მისი ყოფილი მეუღლის, კიმ სკოტის ერთადერთი ბიოლოგიური ქალიშვილია. ამერიკელმა რეპერმა მოგვიანებით ცოლის დისშვილი ალენაც იშვილა.
"ჩემი ქალიშვილი ჩემთვის ყველაფერზე წინ დგას. თუ მის ცხოვრებაში რაიმე მნიშვნელოვანი ხდება, რისი ნაწილიც უნდა ვიყო, ნებისმიერ საქმეს მივატოვებ და მის გვერდით ვიქნები", - განაცხადა 44 წლის რეპერმა - "ჰეილი ჩემი მთავარი მოტივატორია, ეს საუკეთესოდ მაშინ დავინახე, როდესაც სულ პატარა იყო, მე ფული არ მქონდა, არც სახლი, სწორედ ჰეილის ფაქტორმა იმოქმედა ყველაზე მეტად, რომ ცხოვრება შემეცვალა. ის არის ჩემი უმთავრესი პრიორიტეტი ცხოვრებაში. ხვალ ყველაფერი რომ დასრულდეს, ჰეილია ერთადერთი, რაც გამაჩნია", - აღნიშნავდა ემინემი შვილზე საუბრისას.
