დაღესტანში დააკავეს ჩეჩნეთის საგანგებო სიტუაციების მინისტრი, რომელსაც კადიროვი ძმას უწოდებს - როგორ გაათავისუფლებინა ის რამზანმა? - "კადიროველები" მივიდნენ და.."
დაღესტანში პოლიციის თანამშრომლებმა ჩეჩნეთის საგანგებო სიტუაციები სამინისტროს ხელმძღვანელის, ალიხან ცაკაევის მანქანა გააჩერეს, თავად ცაკაევი დააკავეს. ჩეჩენი მაღალჩინოსანი მას შემდეგ გაათავისუფლეს, რაც ადგილზე ჩეჩენი სპეცრაზმელები მივიდნენ.
მედიის ცნობით, ცაკაევი ჩეჩნეთის ფედერალურ საზღვარზე დააკავეს. ერთი ვერსიით, მინისტრს თან არ ჰქონდა საბუთები. მეორეს მიხედვით, ის საავტომობილო მოძრაობის წესებს არღვევდა და არ დაემორჩილა საგზაო პოლიციის მოთხოვნას რომ გაჩერებულიყო.
როგორც გამოცემა .kavkazr.comm წერს, ცაკაევი დააკავეს, რადგან ის ალკოჰოლის ზემოქმედების ქვეშ მართავდა მანქანას.
მოგვიანებით ადგილზე მივიდა სამი ავტომობილი, რომლებშიც ჩეჩნური დანაყოფის, "ახმატის" წევრები იმყოფებოდნენ. ისინი მკაცრად მოითხოვნენ დაკავებულის მათთვის გადაცემას. საბოლოოდ, ცაკაევი წაიყვანეს.
მედიის ცნობით, კადიროვი ცაკაევს "ძვირფას ძმას“ უწოდებს.