თრილერი "ეტიჰადზე", სადაც მატჩის გმირად უკრაინელი მეკარე იქცა - "რეალი" და "ბაიერნი" შემდეგ ეტაპზე გავიდნენ: ჩემპიონთა ლიგის ნახევარფინალური წყვილები ცნობილია

ჩემპიონთა ლიგის საპასუხო მეოთხედფინალური მატჩები ჩატარდა და ყველა ნახევარფინალისტი უკვე ცნობილია. გულშემატკივრებმა ნამდვილი თრილერი იხილეს "ეტიჰადზე", სადაც "მანჩესტერ სიტიმ" "რეალს" უმასპინძლა. შეგახსენებთ, პირველი შეხვედრა მადრიდში ლიგის კლასიკად ქცეული პირველი დაპირისპირება მართლაც საოცარი იყო, ის 3:3 დასრულდა.

მეორე მატჩიც უკიდურესად დაძაბული გამოდგა.

სტუმრები როდრიგომ დააწინაურა, რის შემდეგაც მასპინძლები განუწყვეტლივ უტევდნენ, დე ბრუინმა ანგარიში გაათანაბრა და ძირითადი დრო 1:1 დასრულდა.

ექსტრა ტაიმებში გოლი არ გასულა, პენალტების სერიაში კი "სამეფო გუნდმა" იმარჯვა. მატჩის გმირად კი იქცა, "რეალის" უკრაინელი მეკარე ანდრეი ლუნინი, რომლემაც ორი პენალტი მოიგერია, "სიტის" გოლკიპერმა მედერსონმა კი ერთი გაიტანა და ერთი მოიგერია, მაგრამ ეს საკმარისი არ აღმოჩნდა.

"სიტი" ტიტულს ვეღარ დაიცავს, რეალი კი მე-15 ტიტულისთვის ბრძოლას აგრძელებს. პენალტების სერიაში "რეალმა" მეტოქეს ანგარიშით 3:4 აჯობა და ნახევარფინალშია, სადაც მიუნხენის "ბაიერნს" დაუპირისპირდება, რომელმაც თავის მხრივ არანაკლებ რთულ ბრძოლაში "არსენალს“ სძლია. მატჩის ერთადერი გოლო ბრიტანელთა კარში კიმიხის გოლით 1:0 სძლია და 2020 წლის შემდეგ პირველად გავიდა ნახევარფინალში - მაშინ ტურნირის გამარჯვებული გახდა.

ამ მატჩის შემდეგ რეკორდსმენი გახდა მანუელ ნოიერი, რომელმაც ჩემპიონთა ლიგაზე 58-ე "მშრალი“ მატჩი ჩაატარა და ცნობილი ესპანელი მეკარის იკერ კასილიასის რეკორდი გააუმჯობესა.

როგორც მოგეხსნებათ, ცნობილია, მეორე ნახევარფინალური წყვილიც. პსჟ-მა სახლში 2:3 წაგების შემდეგ გასვლაზე "ბარსელონას“ 4:1 სძლია და დაუპირისპირდება "დორტმუნდ ბორუსიას", რომელმაც მადრიდში 1:2 დამარცხების შემდეგ "ატლეტიკოს“ საკუთარ მოედანზე 4:2 მოუგო.

აღსანიშნავია, რომ 2020 წლის შემდეგ პირველად, ჩემპიონთა ლიგის ნახევარფინალში არ არის არცერთი ინგლისური კლუბი.