კიდევ ერთი თავდასხმა სიდნეიში: ამჯერად დაჭრილია ღვთისმსახური და მისი მრევლის 4 წევრი - დანაშაული პირდაპირ ეთერში მოხდა
ავსტრალიაში, სიდნეიში დღეს კიდევ ერთი თავდასხმა მოხდა. Christ The Good Shepherd-ის ეკლესიაში ეპისკოპოსი მარ მარი ემანუელი ქადაგებისას დაჭრეს. გავრცელებული ინფორმაციით, ეს მაშინ მოხდა, როცა რელიგიური ღვთისმსახურება ონლაინ, პირდაპირ ეთერში გადაიცემოდა. დაჭრილია კიდევ რამდენიმე ადამიანი. მედიის ცნობით, დაშავებულთა შორის ოთხი 20-60 წლამდე მამაკაციცაა.
პოლიციის თქმით, თავდამსხმელი წინააღმდეგობის გაწევის მიუხედავად დააპატიმრეს, თუმცა მის ვინაობას ჯერ არ ამხელენ: "დაშავებულების სიცოცხლეს საფრთხე არ ემუქრება. ისინი სასწრაფოდ საავადმყოფოში გადავიყვანეთ და მათზე ექიმები ზრუნავენ", - ნათქვამია პოლიციის განცხადებაში. ერთ-ერთი გამოთქმული ვარაუდით, ახალგაზრდა მამაკაცი მრევლსა და ეპისკოპოსს საწერი კალმით დაესხა თავს.
<blockquote class="twitter-tweet" data-media-max-width="560"><p lang="en" dir="ltr">Please note the following video is very disturbing. <br>A prominent figure in the Christian community has been attacked and stabbed on a live stream in a Wakeley church in Western Sydney. <a href="https://twitter.com/hashtag/sydney?src=hash&ref_src=twsrc%5Etfw">#sydney</a><a href="https://twitter.com/hashtag/nsw?src=hash&ref_src=twsrc%5Etfw">#nsw</a><a href="https://twitter.com/hashtag/Christianity?src=hash&ref_src=twsrc%5Etfw">#Christianity</a> <a href="https://t.co/XErPwpVHmH">pic.twitter.com/XErPwpVHmH</a></p>— Georgio Racheh (@GeoRacheh) <a href="https://twitter.com/GeoRacheh/status/1779807044947837124?ref_src=twsrc%5Etfw">April 15, 2024</a></blockquote> <script async src="https://platform.twitter.com/widgets.js" charset="utf-8"></script>უახლესი ინფორმაციით, ეპისკოპოსის მდგომარეობა სტაბილურია.
ხელისუფლება ადგილობრივებს მოუწოდებს, რომ შემთხვევის ადგილსა და მის მიმდებარე ტერიტორიებს მოერიდონ.
შეგახსენებთ, რომ 2 დღის წინ სიდნეის პოპულარულ სავაჭრო ცენტრში დანით შეიარაღებული მამაკაცი შევიდა და 6 ადამიანი მოკლა, მათ შორის 55 წლის ქართველი ფიქრია დარჩიაცაა. ჯერჯერობით უცნობია, არის თუ არა რაიმე კავშირი ამ ორ თავდასხმას შორის. წყარო: bbc
იხილეთ ასევე: