დემოკრატიულ სახელმწიფოში გამჭვირვალობას ალტერნატივა არ გააჩნია - ერთადერთი, რასაც “უცხოური გავლენის გამჭვირვალობის შესახებ“ კანონპროექტი ითვალისწინებს, არის ყოველწლიურად ფინანსების გასაჯაროება არასამთავრობო ორგანიზაციების მხრიდან, - აღნიშნული განცხადება პრემიერ-მინისტრმა ირაკლი კობახიძემ, გერმანიის კანცლერთან ერთად გამართულ პრესკონფერენციაზე გააკეთა.
მან ხაზგასმით აღნიშნა, რომ კანონპროექტი ყველა ძირითად პრინციპს შეესაბამება.
კობახიძის თქმით, აქამდე ვერ მოხდა დასაბუთება იმისა, არასამთავრობო ორგანიზაციების მხრიდან, რატომ არ უნდა იყოს დაცული გამჭვირვალობის პრინციპი.
„მას შემდეგ, რაც მე საქართველოს პრემიერ-მინისტრად დავინიშნე, გადავწყვიტე, რომ მთავრობის ყველა გადაწყვეტილება გამოქვეყნდეს, რაც ძალიან მნიშვნელოვანია მთავრობის ქმედუნარიანობისთვის.
აღნიშნული კანონის პირობებში სრული უფლება გვაქვს არასამთავრობო ორგანიზაციებს გამჭვირვალობისთვის მინიმალური სტანდარტი მოვთხოვოთ. არასამთავრობო ორგანიზაციები, რომლებიც უცხოური ქვეყნის ინტერესებით მოქმედებენ, ახორციელებენ გარკვეულ ნაბიჯებს. 2020 წლის შემდეგ იყო ორი შემთხვევა, რომ ხელისუფლება შეიცვალოს არა დემოკრატიული არჩევნების გზით, არამედ ქუჩაში გამოსვლების გზით. ბოლო წლების განმავლობაში დაფინანსება მოხდა მათ შორის არალეგალური გზებით, რაც ბოლო პერიოდში პრაქტიკად ყალიბდება.
ვხედავთ, რომ აღნიშნული ორგანიზაციები ხელს უწყობენ საზოგადოების პოლარიზაციას.
ჰანს კენზელმა აღნიშნა, რომ ფუნქციონირებადი დემოკრატია უნდა ეფუძნებოდეს სამართალს. მე ეს გერმანიაში ვისწავლე და დარწმუნებული ვარ, რომ აღნიშნული კანონი ხელს შეუწყობს ძლიერი, დასაბუთებული ფუნდამენტური დემოკრატიის ჩამოყალიბებას“, - განაცხადა ირაკლი კობახიძემ.
დავიღალეეეეეტ. მტავრობას აქვს დაკისრებული ის რომ ქვეყანა იყოს ძლიერი. ქონდეს მშვიდობა. არ ყავდეს ღატაკები და ქუჩის მშიერი ბავშვები და სადაც უნდატ იქეტ წავიდნონნ. დანარცენები ნუ იფხრიწებიტ შუაზე. თქვენი მუცლის გულისთვის. წერტილი.
საქართველოში "დემოკრატიისა და კანონის უზენაესობის გაძლიერებაზე"(?!) მომუშავე არასამთავრობო ორგანიზაციები უარს ამბობენ გამჭვირვალობის კანონზე..."მათ უნდათ, შევიდეთ კანონის შინაარსში, „ქართული ოცნების“ ველზე არ უნდა გადავიდეთ, მუდმივად უნდა ვილაპარაკოთ, რომ კანონი არის რუსული "...."აგენტის ცნება კი ამოიღეს, მაგრამ უნდა ვიძახოთ, რომ უარესი შემოიღეს”....