მნიშვნელოვანი ინფორმაცია
13
აგვისტოდღის ზოგადი ასტროლოგიური პროგნოზი
ოთხშაბათი, მთვარის ოცდამეერთე დღე დაიწყება 22:07-ზე, მთვარე ვერძშია – რეკომენდებულია ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. კარგია ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. შეგიძლიათ დაიწყოთ ახალი საქმეები. დღეს ყველაფერი შეიძლება მიირთვათ, მთავარია ღვიძლი არ გადაიტვირთოთ, აი ტკბილეულს კი მოერიდეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
თეა აგლაძე: "განვითარების ახალ ეტაპზე გადასვლა აუცილებელი იყო და სწორედ ამ ტრანსფორმაციის შედეგია სქელტანიანი, ნიშური გამოცემა "თანა by ბომონდი"
13:12 / 11-04-2024
როგორც ცოტა ხნის წინ გახდა ცნობილი, მალე საქართველოში ახალი ნიშური გამოცემა „თანა by ბომონდი“ გამოჩნდება. ჟურნალს “ბომონდის“ გუნდი ქმნის და ის მკითხველს განსხვავებულ კონცეფციას, საინტერესო და აქტუალური თემების გაცნობასა და ანალიზს შესთავაზებს.
საინტერესოა, რომ ძველი ქართული სიტყვების ლექსიკონის თანახმად, „თანა“ ნიშნავს მრჩეველს და ჟურნალიც ერთგვარი გზამკვლევი იქნება მოდის, კულტურის, თავის მოვლის, ჯანსაღი ცხოვრების წესისა და მოგზაურობის შესახებ.
ჟურნალის კონცეფციის და უნიკალურობის შესახებ მისი მთავარი რედაქტორი, თეა აგლაძე გვესაუბრება.
საიდან წამოვიდა „თანას“ შექმნის იდეა? არის თუ არა ეს „ბომონდის“ განვითარების ახალი ხაზი?
მივხვდით, რომ განვითარების ახალ ეტაპზე გადასვლა აუცილებელი იყო. ძალიან ბევრი ვიფიქრე კონცეფციაზე და სქელტანიანი გამოცემის შექმნის იდეა დაიბადა. ბევრი ვიფიქრეთ სათაურზეც, რადგან კონცეფცია დაახლოებით წარმოდგენილი გვქონდა.
„თანა“ მრჩეველს ნიშნავს ძველი ქართული ლექსიკონის მიხედვით და რთული ზმნის შემადგენელი ნაწილიცაა. ძალიან მომწონს ძველი სიტყვებისთვის ახალი სიცოცხლის მინიჭების ტენდენცია და ჩვენც ამ გზით წავედით. ვთვლი, პრიალა ჟურნალები ზედმეტად „პრიალა“ ცხოვრების ტრანსლირებას ახდენენ, ამიტომ უფრო ნიშური გამოცემის შექმნა განვიზრახეთ.
რას შესთავაზებს „თანა“ მკითხველს?
„თანა“ მოიცავს საავტორო სტატიებს მსოფლიოს უდიდესი მოდის სახლების, ამავე სფეროში არსებული თანამედროვე ტექნოლოგიების, დიზაინერების სიმბოლური ნამუშევრების, სილამაზისა და კულტურის სფეროში მოღვაწე მნიშვნელოვანი პიროვნებების, სამოგზაურო მიმართულებების, კულინარიის სფეროში არსებული ტენდენციებისა და სხვა საკითხების გარშემო. ამასთან, მკითხველს საშუალება ექნება, შთამბეჭდავი ფოტონამუშევრების მეშვეობით, სულ სხვა თვალით დაინახოს თბილისი. როგორც აღნიშნული, ისე სხვა ფოტორეპორტაჟები მკითხველს სხვადასხვა სფეროს შესახებ სრულიად განსხვავებული კუთხით მოუთხრობს.
რა გამოარჩევს „თანას“ სხვა ბეჭდური გამოცემებისგან?
21-ე საუკუნის ოციან წლებში ძნელია შექმნა რამე ახალი. ყველაფერი მაინც ეგრეთწოდებულ "რეფერენსებზეა“ დაყრდნობილი. სპეციალურად არ ვუყურებ და ვათვალიერებ ახალ გამოცემებს, რომ არ ჩამებეჭდოს უკვე არსებული ვიზუალური მასალები. ასეთი სასიამოვნო სამუშაო პროცესი არასოდეს განმიცდია.
ვფიქრობ, დღეს ბეჭდური მედია უნდა იყოს ისეთი, რომ მისი გადაფურცვლის შემდეგ თაროზე შენახვა მოგინდეს. ცნობიერების ამაღლების როლი კი მთავარი მისიაა. ჩვენი მიზანია, ადამიანების წარმატების ისტორიები ისეთი კუთხით მოვუყვეთ საზოგადოებას, რა კუთხითაც აქამდე არ შეუხედავთ. გვსურს, ავამაღლოთ ცნობიერება და ოდნავ უკეთესი გავხადოთ სამყარო. ვცდილობთ, ვილაპარაკოთ ისეთ თემებზე, როგორიცაა სამოსის გონივრული მოხმარება, ეკოლოგია, გასტრონომიის მომავალი, ახალი ტექნოლოგები და ხელოვნების სფეროს გამოწვევებიც რეალისტურად გადმოვცეთ. ვფიქრობ, მე და ჩემმა შესანიშნავმა, განახლებულმა გუნდმა დიდი სამუშაო გავწიეთ, შეგვეგროვებინა და თქვენამდე მოგვეტანა ექსპერტული და საავტორო რჩევები.
მნიშვნელოვანია, რომ ვიზუალური მასალები მრავალფეროვანი იქნება. ყდაზე იმუშავა ნიუ-იორკში მცხოვრებმა არტისტმა სალომე რიგვავამ. გამოცემის კონცეფციის გათვალისწინებით, მართლაც განსაკუთრებული ნახატი შექმნა ჩვენთვის. მასზე გამოსახულია თანამედროვე ქალი თავის მოვლის რუტინითა და ბევრი საზრუნავით. მიხარია, რომ ნახატის ორიგინალი უკვე ჩვენთანაა, თბილისში.
ვინ ქმნის „თანას“?
ახალ გამოცემას „ბომონდის“ განახლებული გუნდი ქმნის. ვთვლი ჩემი მთავარი მონაპოვარი, ნიჭიერი ადამიანების აღმოჩენა და მათთვის სწორი მიმართულების მიცემაა. ხანდახან ვამაყობ კიდეც, როდესაც მენტორად მოიხსენიებენ სფეროში. ამ ეტაპზეც ასე მოხდა - უნიჭიერესი და განსაკუთრებული გუნდი შეიკრა ერთი იდეისთვის. თითოეული მათგანი აკეთებს იმას, რასაც ღირებულად თვლის და საბოლოოდ მაღალი დონის პროდუქტს ვიღებთ.
თქვენი აზრით, 21-ე საუკუნეში რა ადგილი უჭირავს ბეჭდურ მედიას? რა არის მისი დანიშნულება?
ჩემთვის ბეჭდური გამოცემები უდიდეს ემოციებთან არის დაკავშირებული. დღეს, როდესაც უამრავი ინფორმაციაა ყველა პლატფორმასა თუ სოციალურ არხზე, მკითხველის დაინტერესება ახალი გამოცემით არ არის მარტივი. წლების მანძილზე ამ ინდუსტრიაში მუშაობამ ბევრი დასკვნის გაკეთების საშუალება მომცა. მაგალითისთვის, 5 წლის წინ, ერთ-ერთ მოდის კვირეულზე საზღვარგარეთ პირველ რიგებში პრიალა ჟურნალების რედაქტორების ნაცვლად, აზრის ლიდერები და მოდის ბლოგერები ჭარბობდნენ. პირველად მაშინ დავფიქრდი, რომ ბრენდებისთვის ნიუსის და ჰაიპის შესაქმნელად სწორედ მათი სიმრავლეა პრიორიტეტული. ეს ადამიანები მოიმარჯვებენ ტელეფონს და ჩვენების დასრულებისთანავე ინტერნეტ სივრცეში აღმოჩნდება ყველაფერი. ჟურნალში დაბეჭდილ, თუნდაც ძალიან გავლენიანი ჟურნალისტის მიერ დაწერილ სვეტს კი თითქმის ერთი თვე სჭირდება მკითხველამდე მისასვლელად. საბოლოოდ კი, ყველაფერი იმაზეა დამოკიდებული, თუ როგორ მოახერხებენ განვითარებას ერთი ქოლგის ქვეშ არსებული ბეჭდური და ონლაინ გამოცემები. ცხოვრების სტილისა და მოდის ჟურნალები არ ქმნიან ნიუსებს, მაგრამ ქნიან იმიჯსა და განსაკუთრებულობას სძენენ ქაღალდზე გადმოტანილ ტექსტებსა თუ ვიზუალურ მასალას, მაგალითად, ჩვენებიდან.
როგორია „თანას“ განვითარების გეგმები?
პირველ რიგში, გეტყვით, რომ გამოცემის წარდგენას საზოგადოებისთვის ორიგინალური ფორმატით ვაპირებთ. ეს იქნება ღონისძიება, სადაც სტუმრებს გამორჩეული ამბებითა და სიურპრიზებით დავხვდებით. აქვე წარმოდგენილი იქნება სალომე რიგვავას ნახატის ორიგინალი.
ასევე, ვგეგმავთ „თანა by ბომონდი“ გამოფენებისა და სახელოვნებო სფეროს პროექტების თანაავტორი გახდეს.
გამოცემა „თანა by ბომონდის“ შესახებ სიახლეების სანახავად გამოიწერეთ Facebook და Instagram გვერდები.
R
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რამდენი ადამიანი იღებს 100 ლარზე ნაკლებ და 100 ათას ლარზე მეტ თვიურ ხელფასს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
