მოსახლეობა უჩივის მილიონერი ბიზნესმენის ვაჟს, რომელიც სოფელში გადასაადგილებლად ვერტმფრენს იყენებს - "...ეს ადგილი მშვიდი მეგონა"
ანკლავის სოფლის მაცხოვრებლები მილიონერ უილიამ სტობარტი ვაჟის წინააღმდეგაა გამოდიან - მათი თქმით, ედი სტობარტი სოფელში გადასაადგილებლად ვერტმფრენს იყენებს, ადგილობრივებს კი ხმაური აწუხებთ და მთავრობის მხრიდან შესაბამისი ზომების მიღებას ითხოვენ.
"მათ ჩვენი ცხოვრება ჯოჯოხეთად აქციეს. ყოველდღე გვესმის ვერტმფრენს ხმა, რომელიც დღეში სამჯერ დაფრინავს. სადესანტო მოედანთან ახლოს ვცხოვრობთ. ეს ყველაფერი უკვე მეექვსე წელია გრძელდება. მას არ აქვს საკრებულოს ნებართვა, გამოიყენოს თავისი სადესანტო მოედანი ბიზნესად. სასამართლოშიც ვუჩივლეთ, თუმცა ჩვენი აზრი არავის აინტერესებს, მანჩესტერ სიტის ვარსკვლავი ჯეკ გრილიშიც ახლოს ცხოვრობს, თუმცა მას აქვს საკუთარი სადესანტო მოედანი", - ამბობს ერთ-ერთი ადგილობრივი ჟურნალისტებთან საუბრისას.
"აქ საცხოვრებლად იმიტომ გადმოვედი, რომ ეს ადგილი მშვიდი მეგონა" - ამბობს 86 წლის ქალბატონი - "თუმცა ჩემი სიმშვიდე ვერტმფრენის ხმამ დაარღვია. სახლებთან ახლოს დაფრინავენ, ერთხელ აუზში ვიყავი და ვერტმფრენმა პირდაპირ თავზე გადამიფრინა. მის ცოლთანაც კი მივედი საჩივრით, თუმცა მაინც არაფერი."
უილიამ სტობარტსა და მის ვაჟს ამ საკითხთან დაკავშირებით კომენტარი არ გაუკეთებიათ.