შვილებთან დავის გამო ალენ დელონის შემოსავალი და ქონება მოსამართლეების მიერ დანიშნული მეურვის განკარგულებაში გადავა - რას ამბობენ მისი ადვოკატები?
ცნობილი ფრანგი მსახიობი ალენ დელონი შვილებთან დავის გამო გაძლიერებული მეურვეობის ქვეშ აღმოჩნდა. გადაწყვეტილება სასამართლომ ამ ცოტა ხნის წინ მიიღო და მსახიობს საკუთარი ქონების მართვაც აუკრძალა. ამის შესახებ Lefigaro წერს.
ახლა მსახიობის შემოსავალი და ქონება მოსამართლეების მიერ დანიშნული მეურვის განკარგულებაში გადავა. კონკრეტულად ვინ იქნება მეურვე, ჯერჯერობით გასაიდუმლოებულია. ცნობილია მხოლოდ ის, რომ შესაბამისი აკრძალვა შეიძლება გაგრძელდეს 5 წელი ან მეტი.
გადაწყვეტილების წინააღმდეგი არიან ვარსკვლავის ადვოკატები.
"ასეთი შეზღუდვებისა და იძულებითი ღონისძიების აუცილებლობას ვერ ვხედავთ. ველოდებით, გაასაჩივრებს თუ არა ბატონი დელონი", - აღნიშნეს ადვოკატებმა.
თავად მსახიობს ამ თემაზე ჯერ საჯაროდ არ უსაუბრია.
შეგახსენებთ, რომ 2024 წლის დასაწყისში ალენ დელონის ვაჟმა ენტონი დელონმა საჯაროდ განაცხადა, რომ მსახიობი სიკვდილის პირას იყო. რის შემდეგაც მსახიობმა განაცხადა, რომ თავს კარგად გრძნობდა და შვილს სასამართლოში უჩივლა, რადგან დაიღალა მისი აგრესიული ქცევით. ოჯახური სკანდალს მსოფლიო მედია ადევნებდა თვალს.
წაიკითხეთ ასევე: