ჩრდილოეთ ნორფოლკში, რომელსაც ისტორიულ სანაპიროსაც უწოდებენ, დიდი ბრიტანეთის აღმოსავლეთით, ნორფოლკის საგრაფოში მდებარეობს. ის განლაგებულია ჩრდილოეთის ზღვის სანაპიროზე და იქვეა ტბა ჰილინგ-ბროდი, რომელიც შედის ეროვნული ნაკრძალის შემადგენლობაში.
უნიკალური სანაპირო ზოლი ხელუხლებელი სილამაზით გამოირჩევა, მშვენიერი პლაჟები და მდიდარი სასოფლო-სამეურნეო ფესვებით გამორჩეული პატარ-პატარა დასახლებები, სადაც მრავლად არის შემორჩენილ მე-18 საუკუნეში აგებული სახლები. აქ არის მუზეუმები, დიდებული სასახლეები და კულტურული და ისტორიული მნიშვნელობის ადგილები. საერთაშორისო მნიშვნელობის არის აქ არსებული ეროვნული ნაკრძალი, რომელიც ველური ბუნების პირველყოფილი მშვენიერებით ხასიათდება. იმის გამო, რომ ნორფოლკი არის ყველაზე მშრალი ტერიტორია დიდ ბრიტანეთში, მისი მონახულება შესაძლებელია მთელი წლის განმავლობაში.
ბოლო ხანს საზოგადოების ყურადღების ცენტრში მოექცა პატარა ფერმა, რომელიც ჩრდილოეთ ნორფოლკის ცენტრალური ქალაქ კრომერიდან არცთუ შორს მდებარეობს. მეპატრონე იძულებული გახდა ტრიმინგემში არსებული სახლ-კარი დაეტოვებინა მას შემდეგ, რაც ამ ზამთრის დასაწყისში კლდის ეროზია ისეთი მასშტაბის გახდა, რომ სახლი, ფაქტობრივად, სანაპირო ზოლზე გადაეკიდა...
ნორფოლკის ოლქის საბჭომ ტერიტორიაზე არსებული სახლის დანგრევის გადაწყვეტილება მიიღო.
წლების განმავლობაში სანაპირო ზოლი სახლს ნელ-ნელა უახლოვდებოდა.
აღსანიშნავია, რომ ფერმა 2018 წელს 400 000 ფუნტად შეიძინეს. მისი ბოლო მეპატრონე ხანდაზმული მამაკაცი იყო, რომელმაც სახლი პენსიაზე გასვლის შემდეგ იყიდა. საფრთხის ქვეშაა მეზობლად მდებარე სახლიც, რომლის მფლობელი ამბობს, რომ მთელი ცხოვრება იქ გაატარა და არსად წასვლას არ აპირებს.
ტრიმინგემის ცარცის კლდეებმა დაშლა, დაახლოებით, ბოლო ათწლეულის განმავლობაში დაიწყო, როგორც ხსნიან, გაჯერებული მიწა ვერ შთანთქავს საკმარისი ოდენობის ნალექს.
ჩრდილოეთ ნორფოლკის საოლქო საბჭოს მიერ შედგენილი გარემოსდაცვითი გეგმების მიხედვით, 105 შენობა, მთავარი გზა და მე-13 საუკუნის სამრევლო ეკლესია ეროზიის გამო 2100 წლისთვის, სავარაუდოდ, სრულად განადგურდება. წყარო
ჩაასხან ბეტონი რომ შეაკავონ მიწა...
დავიჯერო საქართველოზე უფრო ლამაზია?
მოვლილი და ამიტომ გეჩვენებათ ასე. ჩვენს ქვეყანასავ მოვუაროთ ისე როგორც ისინი უვლიან და ნახავთ რო საქართველო სამოთხეა.