"Fedez-თან იყავი? გავაქარწყლოთ ეს ჭორი" - რატომ მოხვდა ნინი გოგიჩაიშვილი იტალიური ტაბლოიდების ყურადღების ცენტრში: ქართველი მოდელის ფოტო ბეჭდით და წაშლილი პოსტი, რომელმაც იტალიელებს კითხვები გაუჩინა
ნინი გოგიჩაიშვილი იტალიური ტაბლოიდების ყურადღების ცენტრშია. ქართველი მოდელი წლებია, რაც დუბაიში ცხოვრობს. ცოტა ხსნის წინ ნინიმ სოციალურ ქსელში გამოაქვეყნა ფოტოები, სადაც ჩანს, რომ საქორწინო ბეჭედი უკეთია.
ერთ-ერთ კომენტარში იტალიელი თაყვანისმცემელი ნინის წერს:
"მიყვარხარ, მაგრამ Fedez-თან იყავი? მოდი, გავაქარწყლოთ ეს ჭორი"
პასუხად კი თანამემამულე უწერს:
"ვინ იცის, გიპასუხებს თუ არა. მაგრამ თუ დაფიქრდები, ყველას მოსწონს თავის პროფილზე ხმაური, ასე იზრდება აქტივობა".
ვინ არის Fedez-ი და რა საერთო აქვს ნინი გოგიჩაიშვილთან?
როგორც აღმოვაჩინეთ, ბოლო დღეებში იტალიური ტაბლოიდები აქტიურად წერენ ნინისა და იტალიელ რეპერ Fedez-ის რომანის შესახებ.
გავრცელებული ინფორმაციით, რეპერმა და "მის საქართველო 2018“-მა სოციალურ ქსელში ერთი და იგივე ლოკაციიდან გამოაქვეყნეს ფოტო. ნინი და Fedez-ი გამოფენაზე იმყოფებოდნენ. მოგვიანებით კი პოსტები წაშალეს.
სწორედ პოსტის წაშლის შემდეგ ფედესისა და ნინის სავარაუდო ურთიერთობის საიდუმლო დამაინტრიგებელია იტალიური მედიისთვის. მედია ამტკიცებს, რომ ლოს-ანჯელესში გამართულ გამოფენაზე რეპერი და მოდელი ერთად წავიდნენ.
"Fedez-ი ახალ ცხოვრებას იწყებს, როგორც მარტოხელა" - წერს კიდევ ერთი იტალიური მედია.
"კიარა ფერაგნისთან ურთიერთობის დასრულების შემდეგ ჩანდა, რომ Fedez-მა, რომელიც ახლა შვილებთან ერთად მაიამიში იმყოფება, ახალი ცხოვრება დაიწყო, როგორც მარტოხელამ. სპორტდარბაზში გადაღებული ფოტოები, დასვენება მეგობრებთან და კოლეგებთან ერთად, მდიდრული ახალი სახლი მილანში Castello Sforzesco-ს წინ და ახალი Ferrari - ეს ყველაფერი მისი ახალი ცხოვრების შემადგენელი ნაწილებია. ინტერნეტში გავრცელებულ ჭორებს შორის დიდია ინტერესი მის პირად ცხოვრებაზე, განსაკუთრებით კი ორ ქალზე, რომლებიც მის გარემოცვაში ჩნდებიან - ესენია მისი პირადი ასისტენტი ელეონორა სესანა და სუპერმოდელი და ყოფილი "მის საქართველო" ნინი გოგიჩაიშვილი.
ფედესის ასისტენტმა ელეონორა სესანამ რეპერის ცხოვრებაში, ცოლთან გაშორების შემდეგ, მნიშვნელოვანი ადგილი დაიკავა. ისინი ცოტა ხნის წინ რომში ერთად დააფიქსირეს, მაშინ როცა რეპერი Belve-სთან ინტერვიუს ჩასაწერად ემზადებოდა. მიუხედავად იმისა, რომ გავრცელდა ჭორები მათ სავარაუდო ინტიმურ ურთიერთობაზე, როგორც ჩანს, ეს ურთიერთობა მხოლოდ პროფესიული და მეგობრულია" - წერს მედია.
Fedez-ი და ნინი გოგიჩაიშვილი, წაშლილი ფოტოს საიდუმლო
მეორე მხრივ, უფრო დამაინტრიგებელი ხდება ფედეზის ურთიერთობა ნინი გოგიჩაიშვილთან.
მიუხედავად გავრცელებული ჭორებისა, ფედეზი ორიენტირებულია კარიერაზე და ახალ ცხოვრებაზე, როგორც მარტოხელა მამაკაცი.
ცხადია, ერთი და იგივე ნახატის ჩვენება ერთი და იგივე გამოფენიდან არაფერს ამტკიცებს... მაგრამ Fedez-ის თაყვანისმცემლები ნინის "ინსტაგრამ" გვერდს ხშირად სტუმრობენ.