"გვსურს, ასეთი საჩუქარი შემოგთავაზოთ და უარს არ მივიღებთ... გაიგეთ, როგორია მათთან ერთად ცხოვრების გემო" - რატომ ემუქრება გერმანიას ბოტსვანა 20 000 სპილოს გაგზავნით
ბოტსვანას პრეზიდენტი გერმანიაში 20 000 სპილოს გაგზავნით იმუქრება, მას შემდეგ, რაც გერმანიის გარემოს დაცვის სამინისტრომ განაცხადა, რომ უფრო მკაცრი შეზღუდვები უნდა დაწესდეს სანადირო ტროფეის იმპორტზე.
- პრეზიდენტ მოკგვეცი მასისის თქმით, ეს მის მოსახლეობას გააღატაკებს, რადგან სპილოების რიცხვი იზრდება - ისინი ზიანს აყენებდნენ საკუთრებას, ჭამენ მოსავალს და საფრთხეს უქმნიან ადამიანის სიცოცხლეს.
"გერმანელებმა უნდა იცხოვრონ ცხოველებთან ერთად, ისე, როგორც ამას ჩვენ ვაკეთებთ. გვსურს ასეთი საჩუქარი შემოგთავაზოთ და უარს არ მივიღებთ“, - განუცხადა მასისიმ გერმანულ გაზეთ Bild-ს.
ეს არ არის პირველი შემთხვევა, როცა ბოტსვანის ხელისუფლების წარმომადგენლები ევროპის ქვეყნებს სპილოების გაგზავნით ემუქრებიან. ბოტსვანას ველური ბუნების მინისტრი დუმეზვენი მთიმხულუ გასულ თვეში ლონდონს 10 000 სპილოს გაგზავნით დაემუქრა, რათა ბრიტანელებმა მათ "გვერდით ცხოვრების გემო გასინჯონ".
მარტში, გაერთიანებული სამეფოს დეპუტატებმა მხარი დაუჭირეს სანადირო ტროფეის იმპორტის აკრძალვას. ბოტსვანა და სამხრეთ აფრიკის სხვა ქვეყნები უამრავ ფულს შოულობენ მდიდარი დასავლელებისგან, რომლებიც ათასობით დოლარს იხდიან სროლის ნებართვისთვის და შემდეგ ტროფეის შეძენისთვისაც. პრეზიდენტის თქმით, ეს ფული ადგილობრივი მოსახლეობის დასახმარებლად გამოიყენება.
ცხოველთა უფლებების დაცვის ჯგუფები ამტკიცებენ, რომ ეს პრაქტიკა სასტიკია და უნდა აიკრძალოს.
ბოტსვანაში მსოფლიოს სპილოების დაახლოებით მესამედი ცხოვრობს. დღესდღეობით მათი რაოდენობა 130 000-ზე მეტია.