შაქრო კალაშოვი, რომელიც რუსეთში იხდიდა სასჯელს, თავისუფალია - მან კვლავაც ვადაზე ადრე მოახერხა სასჯელისგან თავის დაღწევა
ერთ-ერთი ყველაზე ცნობილი კრიმინალური ავტორიტეტი შაქარო კალაშოვი, იგივე "შაქრო მალადოი" თავისუფალია.
რუსეთში კალაშოვი გამოძალვის ბრალდებით იყო დაპატიმრებული და სასჯელს კრასნოდარის მხარეში, უსტ-ლაბინსკის რაიონის სოფელ დვუბრატსკის კოლონიაში იხდიდა. მისი გათავისუფლების თაობაზე ინფორმაცია "ტელეგრამარხმა" Shot - მა გაავრცელა. მალევე ეს დაადასტურეს სამართალდამცავმა უწყებებმაც.
<script async src="https://telegram.org/js/telegram-widget.js?22" data-telegram-post="shot_shot/64376" data-width="100%"></script>"ტელეგრამში" გამოქვეყნებული ვიდეოს აღწერაში წერია, რომ 71 წლის კალაშოვი კოლონიიდან Gazelle-ის მარკის სატვირთო მანქანით გამოიყვანეს. რომელსაც საიდენტიფიკაციო ნომრები არ ჰქონდა. Shot-ის თანახმად, ეს მანქანა ეკუთვნის კოლონიას. მისივე ინფორმაციით, ე.წ. კანონიერი ქურდს კოლონიასთან რამდენიმე დღის განმავლობაში ელოდა შავი Haval-ის კროსოვერი, რომელმაც სატვირთოსთან ერთად დატოვა ტერიტორია, ორივე მანქანა კრასნოდარის მხარეს წავიდა.
ამ რამდენიმე დღის წინ ცნობილი გახდა, რომ 13 მარტს, კრასნოდარის მხარის უსტ-ლაბინსკის რაიონულმა სასამართლომ დააკმაყოფილა ჯანმრთელობის გაუარესების გამო ვადაზე ადრე გათავისუფლების თაობაზე კალაშოვის მოთხოვნა.
თბილისელი კანონიერი ქურდი, ერთ-ერთი ყველაზე ცნობილი კრიმინალური ავტორიტეტია. მას შემდეგ, რაც 2013 წელს კრიმინალური ავტორიტეტი ძედ ხასანი (ასლან უსოიანი) მოკლეს, მას "რუსეთში N1 კანონიერი ქურდს უწოდებენ".
- კალაშოვი 2006 წლის მაისში, დუბაიში დააკავეს და ესპანეთს გადასცეს, სადაც დამნაშავედ ცნეს ფულის გათეთრებაში და შვიდნახევარი წლით თავისუფლების აღკვეთა მიუსაჯეს და 20 მილიონი ევროს ოდენობის ჯარიმა დააკისრეს. მოგვიანებით სასჯელი ცხრა წლით შეუცვალეს.
- განაჩენის გამოტანისთანავე ესპანეთის ხელისუფლებამ კალაშოვის ექსტრადიციის თაობაზე ორი მოთხოვნა მიიღო. პირველი რუსეთიდან, რადგან რუსეთის სპეცსამსახურები ამტკიცებდნენ, რომ კალაშოვი რუსეთის მოქალაქე იყო და სასჯელი რუსეთში უნდა მოეხადა. მეორე შევიდა საქართველოდან, სადაც კალაშოვს გამოძალვისა და უკანონო შეიარაღებული დაჯგუფების ორგანიზებისთვის დაუსწრებლად მისჯილი ჰქონდა 18 წლით თავისუფლების აღკვეთა.
- 2011 წელს ესპანეთის ხელისუფლებამ ქართული მხარის მოთხოვნის დაკმაყოფილების გადაწყვეტილება მიიღო, მაგრამ კალაშოვმა საჩივარი შეიტანა ესპანეთის უზენაეს სასამართლოში და რუსეთში გადაყვანა მოითხოვა. 2014 წლის 29 ოქტომბერს კანონიერი ქურდი რუსეთის შსს-ში გადაიყვანეს, სადაც ხანმოკლე საუბარის შემდეგ გაათავისუფლეს.
- კალაშოვი ბოლოს 2016 წლის 12 ივლისს დააკავეს. მას ერთ-ერთი რესტორნის მფლობელისთვის 8 მილიონი რუბლის (იმდროინდელი კურსით 140 ათასი დოლარი) გამოძალვაში ედებოდა ბრალი. შემთხვევის დროს, სროლისას ორი ადამიანი დაიღუპა. 2018 წელს მოსკოვის ნიკულინსკის რაიონულმა სასამართლომ კალაშოვი გამოძალვაში დამნაშავედ ცნო და ცხრა წლითა და ათი თვით თავისუფლების აღკვეთა მიუსაჯა. მას სასჯელი 2026 წელს ეწურებოდა, თუმცა კვლავაც ვადაზე ადრე მოახერხა სასჯელისგან თავის დაღწევა.