საქართველოს კათოლიკოს პატრიარქი ეროვნულ ნაკრებს გამარჯვებას ულოცავს

საქართველოს კათოლიკოს პატრიარქი, ილია მეორე საქართველოს ეროვნულ ნაკრებს გამარჯვებას ულოცავს.

პატრიარქის მისალოც წერილს საპატრიარქოს ოფიციალური "ფეისბუქ“ გვერდი ავრცელებს.

"საქართველოს ფეხბურთის ეროვნულ ნაკრებს, მათ მწვრთნელებს, სრულიად საქართველოს და უცხოეთში მყოფ თანამემამულეთ, ჩვენის მხრიდანაც, ვულოცავთ გუშინდელ გამარჯვებას.

მრავალი წლის შემდეგ ეს იყო ისეთი სიხარული, რომელმაც მოიცვა მთელი ერი.

შევნიშნავთ იმასაც, რომ ბოლო დროს სპორტის სხვა სახეობებშიც ძალიან დიდი წარმატებები იქნა მიღწეული.

ღმერთმა დალოცოს თითოეული თქვენგანი და შეგაძლებინოთ ქვეყანა კვლავაც გამარჯვებებით გაგეხარებინოთ.

მამაშვილური სიყვარულით, ილია II სრულიად საქართველოს კათოლიკოს-პატრიარქი”, - ნათქვამია მისალოც წერილში.

საქართველოს ეროვნულმა საფეხბურთო ნაკრებმა ისტორიაში პირველად ევროპის ჩემპიონატის საგზური მოიპოვა. საქართველომ "დინამო არენაზე" საბერძნეთის ნაკრებს პენალტების სერიაში სძლია.