მნიშვნელოვანი ინფორმაცია
15
ივნისიდღის ზოგადი ასტროლოგიური პროგნოზი
კვირა, მთვარის მეცხრამეტე დღე დაიწყება 01:02-ზე – ფრთხილად იყავით სიტყვებთან და ქმედებებთან, იოლია კონფლიქტური სიტუაციის პროვოცირება. დღე მშვიდად გაატარე, მაგრამ არა მარტოობაში. ყურადღებით შეამოწმეთ ყველა ინფორმაცია. სერიოზული საქმეები გადადე. გაასუფთავეთ თქვენი სამუშაო ადგილი არასაჭირო ნივთებისგან. არ არის რეკომენდებული ხელშეკრულებების გაფორმება, ახალ სამსახურში გადასვლა. დაუფიქრებლად მოქმედება, მთვრალ ადამიანებთან ურთიერთობა, უცნობ ადამიანებთან კონტაქტი. მიიღეთ მარტივი საკვები და დაიცავით დიეტა. ორგანიზმის გადატვირთვამ შეიძლება გამოიწვიოს უსიამოვნო შედეგები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"რატომ არ ლაპარაკობენ "ქართული ოცნების“ ქალები და რატომაა ერთადერთი მოლაპარაკე თავი მდინარაძე? იმიტომ, რომ რცხვენიათ" - რომან გოცირიძე
15:14 / 27-03-2024
რატომ არ ლაპარაკობენ "ქართული ოცნების“ ქალები და რატომაა ერთადერთი მოლაპარაკე თავი მდინარაძე? იმიტომ, რომ რცხვენიათ, - ამის შესახებ საპარლამენტო პოლიტიკური ჯგუფის “ევროოპტიმისტების” თავმჯდომარე რომან გოცირიძემ ლგბტ პროპაგანდის საწინააღმდეგოდ, საპარლამენტო უმრავლესობის მიერ დარეგისტრირებულ საკონსტიტუციო ინიციატივის თაობაზე ჟურნალისტებს განუცხადა.
მისი თქმით, ლგბტ პროპაგანდის წინააღმდეგ კანონი პირდაპირ რუსული კანონიდანაა გადაწერილი და არ არსებობს მსოფლიოში არცერთი დემოკრატიული სახელმწიფო, სადაც მსგავსი კანონია შემოღებული”.
“მათმა [“ქართული ოცნების”] მცდელობამ კრახი განიცადა და კანონპროექტიც კი არ წარმოადგინეს. იციან, რომ საკონსტიტუციო უმრავლესობა არ ჰყავთ და საკონსტიტუციო ცვლილებებს ვერ განახორციელებენ, მხოლოდ წინასაარჩევნო პროპაგანდისთვის და თემის შემოგდებისთვის სჭირდებათ. რატომ აინიცირებ საკონსტიტუციო ცვლილებას, თუ კონსტიტუციას ვერ ცვლი? საჭიროა 113 ხმა და 90-იც არ აქვთ. 23 ხმას როგორ აგროვებ? მათთვის ეს თემა არ არის მართლაც მნიშვნელოვანი. მნიშვნელოვანია, რომ მოსახლეობა მოატყუონ და რუსული პროპაგანდის ხერხებით წინასაარჩევნოდ ალაპარაკონ არა იმ პრობლემებზე, რაც ქვეყანაში არსებობს - სიღატაკე, ფასების ზრდა, ემიგრაცია და საშინელი მდგომარეობა, არამედ მოგონილ და არარსებულ პრობლემებზე. ეს არის მორიგი რუსული კანონის პროპაგანდისტულად გამოყენების მცდელობა. არაფერი გამოუვიდათ, რადგან ხალხს ეს თემა არ აინტერესებს. არათუ ხალხს, “ქართულ ოცნებაშიც” კი იმდენად რცხვენიათ ამ საკითხზე საუბრის, რომ ერთადერთი მოლაპარაკე, ე.წ. სპიკერი მდინარაძეა, რომელიც თემაშიც ვერ გარკვეულა და ტერმინოლოგიის დონეზეც ვერ ფლობს საკითხს. სად არიან “ქართული ოცნების” ქალები, რატომ იმალებიან, რატომ არიან მდინარაძის ზურგს უკან ამოფარებულები? როგორც ერთ სიმღერაშია, “როცა მოგიხმობს პარტია” - მოუხმობს პარტია და ადამიანებს, ვისაც საფრანგეთში უცხოვრიათ, ან გავლით ყოფილა პარიზში და ახლა ჩუმადაა, აალაპარაკებს. მათ განცდებს და ღირსებას არავინ ანგარიშს არ გაუწევს. რატომ არ ლაპარაკობენ “ქართული ოცნების” ქალები და რატომაა ერთადერთი მოლაპარაკე თავი მდინარაძე? - იმიტომ, რომ რცხვენიათ”, - განაცხადა რომან გოცირიძემ.
შეგახსენებთ, რომ პარლამენტში მმართველი უმრავლესობის ინიციატივით ორი - ერთმანეთისაგან დამოუკიდებელი საკონსტიტუციო ინიციატივა დარეგისტრირდება.
"ლგბტ პროპაგანდის საწინააღმდეგოდ“ წარდგენილი იქნება როგორც მოქმედ კონსტიტუციაში ცვლილებების პროექტი, ასევე კონსტიტუციური კანონის პროექტი სახელწოდებით - “ოჯახურ ღირებულებათა და არასრულწლოვანთა დაცვის შესახებ“.
თავად კონსტიტუციაში დაგეგმილი ცვლილებით, კორექტირდება კონსტიტუციის 30-ე მუხლი, რომელიც ქორწინების, დედათა და ბავშვთა უფლებებს შეეხება. პროექტის გათვალისწინებით, აღნიშნულ მუხლს ემატება ახალი პუნქტი შემდეგი შინაარსით: - “ოჯახურ ღირებულებათა და არასრულწლოვანთა დაცვა უზრუნველყოფილია საქართველოს კონსტიტუციური კანონით, რომელიც საქართველოს კონსტიტუციის განუყოფელი ნაწილია“.
რაც შეეხება “ოჯახურ ღირებულებათა და არასრულწლოვანთა დაცვის შესახებ“ კონსტიტუციური კანონის პროექტს, ის რვა პუნქტისგან შედგება და მთელი რიგი აკრძალვების დაწესებას ითვალისწინებს.
მკითხველის კომენტარები /
18 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისრაელმა ირანზე მასშტაბური დარტყმები განახორციელა: განადგურებულია ბირთვულ იარაღი, დაიღუპნენ სამხედრო მეთაურები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მართალი ხარ კუპონა, ნაცების ქალები უსირცხვილოები რომ არიან, ეს ისედაც ყველამ იცის
შევარდნაძის დროს ამისთანა მექრთამე არავინ იყო, ახლა ამისთანა სამშობლოს გამყიდველი არავინ მეგულება,