მიქაუტაძისა და დავითაშვილის გარეშე: ცნობილია 11 ფეხბურთელის ვინაობა, რომლებიც საბერძნეთის წინააღმდეგ პირველივე წუთებიდან ითამაშებენ - ვილი სანიოლის გადაწყვეტილება
ერთ საათში, დამოუკიდებელი საქართველოს ფეხბურთის ისტორიაში ერთ-ერთი ყველაზე მნიშვნელოვანი მატჩი დაიწყება. საქართველოს ეროვნული ნაკრები "ერთა ლიგის" ფინალში საბერძნეთს დაუპირისპირდება. გამარჯვების შემთხვევაში ჩვენი გუნდი ისტორიაში პირველად იასპარეზებს ევროპის ჩემპიონატზე.
- ევროპის ჩემპიონატზე გასვლის შემთხვევაში, საქართველოს ნაკრები F ჯგუფში ითამაშებს, სადაც მისი მეტოქეები თურქეთის, პორტუგალიის და ჩეხეთის ნაკრებები იქნებიან. ევრო 2024 14 ივნისიდან 14 ივლისის ჩათვლით გერმანიაში გაიმართება.
"მოსამზადებლად და ძალების აღსადგენად საკმაო დრო გვქონდა, ყველა ფეხბურთელი მზადაა. ბოლო ვარჯიში დაგვრჩა, სადაც ტაქტიკურ დეტალებს გავივლით. მოწინააღმდეგეზე საუბარი არ მიყვარს, რადგან თავად ბევრი გვაქვს გასაკეთებელი.
როცა გავიგეთ, რომ შესაძლო მეტოქე საბერძნეთის ნაკრები იყო, ვიცოდით, რთული მატჩი იქნებოდა. ჯერ ერთი, ძლიერი ფეხბურთელები ჰყავთ და მეორე - ფინალია. გამარჯვებულის მენტალიტეტი გულისხმობს, თუ რას გააკეთებ თავად მოგებისთვის. გამარჯვებისთვის საკმარისი მხოლოდ ოცნება არაა. მოგების მენტალიტეტი ნიშნავს, ყოველ დღე გააკეთო რაღაც ამ მიზნისთვის. ჩემი ფეხბურთელები უფრო მეტად არიან მზად წარმატებისთვის!.." - განაცხადა საქართველოს ნაკრების მწვრთნელმა ვილი სანიოლმა.
აღსანიშნავია, რომ ძირითადში არ იქნებიან მიქაუტაძე და დავითაშვილი.
ძირითადი 11-ეულის სია ასე გამოიყურება - მამარდაშვილი, კაკაბაძე, კაშია, კვერკველია, დვალი, შენგელია, ქოჩორაშვილი, კიტეიშვილი, ჩაკვეტაძე, ზივზივაძე, კვარაცხელია
სათადარიგოზე: ლორია, გუგეშაშვილი, გველესიანი, ლოჩოშვილი, ნიტაიშვილი, კანკავა, გოჩოლეიშვილი, ალთუნაშვილი, კვეკესკირი, ქვილითაია, მიქაუტაძე, დავითაშვილი
ნახეთ ასევე:
- რა თანხას მიიღებს საქართველო ევრო 2024-ში მონაწილეობის შემთხვევაში?
- საბერძნეთის ნაკრების ფეხბურთელები ტაძარში, ისტორიული მატჩის დაწყებამდე - რა კადრები ვრცელდება?
ნახეთ ვიდეო: ქომაგების შეძახილები სტადიონთან