"უნდა ვაღიარო, სულელური პოსტი დავდე "ფოტოშოპის შეცდომებზე" - მსახიობი, რომელმაც ქეით მიდლტონს დედის დღეს გამოქვეყნებული ფოტოს გამო დასცინა, ბოდიშს იხდის

ამერიკელმა მსახიობმა ბლეიკ ლაივიმ ბოდიში მოიხადა ქეით მიდლტონზე არაგონივრული ხუმრობისთვის, რომელიც რამდენიმე დღით ადრე გაავრცელა, სანამ უელსის პრინცესა გამოაცხადებდა, რომ მას კიბო აქვს.

კეიტ მიდლტონის მიერ კიბოს დიაგნოზის შესახებ ვიდეო შეტყობინების შემდეგ, ლაივლიმ სოციალურ ქსელში Stories-ში დაწერა: "დარწმუნებული ვარ, დღეს არავის აინტერესებს, მაგრამ ვგრძნობ, რომ ეს უნდა ვაღიარო. მე დავდე სულელური პოსტი "ფოტოშოპის შეცდომებზე" და ღმერთო ჩემო, ამ პოსტმა დღეს გული დამწყვიტა. უკაცრავად. ვუგზავნი ჩემს სიყვარულს და საუკეთესო სურვილებს ყველას და ყოველთვის“, - წერს მსახიობი.

მანამდე ლაივლიმ აუზთან გადაღებული ფოტო გამოაქვეყნა, სადაც დასცინოდა ქეით მიდლტონს, რომელიც დედის დღეს შვილებთან ერთად ფოტოს გამოქვეყნების შემდეგ ფოტოშოპში გამოიჭირეს. მოგვიანებით უელსის პრინცესამ ბოდიში მოიხადა შვილებთან ერთად გადაღებული ფოტოს რედაქტირებისთვის.

ლაივლი იმ დროს წერდა: "აღფრთოვანებული ვარ ამ ახალი ფოტოს გაზიარებით, რომელიც დღეს გადავიღე, რათა გაჩვენოთ ჩვენი 4 ახალი პროდუქტი, რომელიც ქეითის ფოტოს ერთგვარი პაროდია იყო".

სოციალურ ქსელში მსახიობი თვალთმაქცობაში დაადანაშაულეს, რადგან თავად დიდხანს ინახავდა საიდუმლოდ შვილების სახელებსა და სქესს, ახლა კი გადაწყვიტა ქეითის „დაცინვა“ კონფიდენციალურობის სურვილის გამო. მსახიობის ძველი მესიჯი ამ დროისთვის წაშლილია.

ცნობისთვის, ქეით მიდლტონი 2023 წლის დეკემბრის შემდეგ საზოგადოების წინაშე აღარ გამოჩენილა. 2024 წლის იანვარში კენსინგტონის სასახლემ გაავრცელა განცხადება იმის შესახებ, რომ პრინცესამ "მუცლის ღრუს ოპერაცია" გაიკეთა. მას შემდეგ საზოგადოებაში გაჩნდა უამრავი შეთქმულების თეორია. მედია იმასაც წერდა, რომ ქეითს უილიამმა უღალატა, ხოლო როცა ეს ამბავი პრინცესამ შეიტყო, ის სასახლიდან გაიქცა.

წაიკითხეთ ასევე:

• "წლების მანძილზე ერთად ბევრი მთა ავიარეთ... ამ მთაზე მთელი ოჯახი შენთან ერთად ავალთ" - ქეით მიდლტონის ძმის ემოციური მიმართვა
• "ეს იყო შოკი, მაგრამ...." - ქეით მიდლტონი გამოჩნდა და საზოგადოებას მიმართა: რას ამბობს პრინცესა გამოქვეყნებულ ვიდეოში გაუჩინარების მიზეზებზე
• სიმსივნე ორჯერ, ნათლობა ნათესავების გარეშე, ოდიოზური მოგონებები... - კიდევ რისი გადატანა მოუწია სამეფო ოჯახს ერთ წელიწადში