"წლების მანძილზე ერთად ბევრი მთა ავიარეთ... ამ მთაზე მთელი ოჯახი შენთან ერთად ავალთ" - ქეით მიდლტონის ძმის ემოციური მიმართვა

პრინცი ჰარი და მეგან მარკლი ქეით მიდლტონის დიაგნოზს გამოეხმაურნენ და პრინცესას ჯანმრთელობა უსურვეს:

"ჩვენ ვუსურვებთ გამოჯანმრთელებას ქეითსა და ოჯახს და ვიმედოვნებთ, რომ ისინი ამას შეძლებენ პირადად და მშვიდობიანად", - ნათქვამია განცხადებაში. წყვილთან დაახლოებული პირის მტკიცებით, ჰარიმ და მეგანმა ქეითის დიაგნოზის შესახებ ამ დრომდე არ იცოდნენ.

გუშინ გამოქვეყნებულ მიმართვაში უელსის პრინცესამ სიმსივნის დიაგნოზზე ისაუბრა და მხარდაჭერისთვის მადლობა გადაუხადა ქმარს, პრინც უილიამს.

ქეითის ვიდეოს დიდი გამოხმაურება მოჰყვა როგორც მედიის, ასევე სამეფო ოჯახის მხრიდან: ბუკინგემის სასახლე აცხადებს, რომ მეფე რძლის გამბედაობით ძალიან ამაყობს.

ქეით მიდლტონის ძმამ, ჯეიმსმა სოციალურ ქსელში ფოტო გამოაქვეყნა და დას გამოჯანმრთელება უსურვა:

"წლების მანძილზე ერთად ბევრი მთა ავიარეთ. ამ მთაზე მთელი ოჯახი შენთან ერთად ავალთ" - წერს ჯეიმს მიდლტონი.

ცნობისთვის, ქეით მიდლტონი 2023 წლის დეკემბრის შემდეგ საზოგადოების წინაშე აღარ გამოჩენილა. 2024 წლის იანვარში კენსინგტონის სასახლემ გაავრცელა განცხადება იმის შესახებ, რომ პრინცესამ "მუცლის ღრუს ოპერაცია" გაიკეთა. მას შემდეგ საზოგადოებაში გაჩნდა უამრავი შეთქმულების თეორია. მედია იმასაც წერდა, რომ ქეითს უილიამმა უღალატა, ხოლო როცა ეს ამბავი პრინცესამ სეიტყო, ის სასახლიდან გაიქცა.

წაიკითხეთ ასევე:

• "ეს იყო შოკი, მაგრამ...." - ქეით მიდლტონი გამოჩნდა და საზოგადოებას მიმართა: რას ამბობს პრინცესა გამოქვეყნებულ ვიდეოში გაუჩინარების მიზეზებზე