Crocus City Hall: ადგილი, რომელიც მასპინძლობდა ტრამპის "მის სამყაროს" - "შენობა ცნობილმა მომღერალმა და მამამისმა ააშენეს": რას წერს მედია ტრაგედიის ადგილზე?
Crocus City Hall-მა 2009 წელს გახსნის შემდეგ რამდენიმე ცნობილ სახეს უმასპინძლა, მათ შორის იყო დონალდ ტრამპი, როდესაც მან 2013 წელს რუსეთში თავისი სილამაზის კონკურსი Miss Universe ჩაატარა.
მაშინ ტრამპმა განაცხადა, რომ ღონისძიებაზე პრეზიდენტი ვლადიმერ პუტინი მიიწვია, მაგრამ იქ რუსეთის ლიდერი არ გამოჩენილა.
- შენობა აზერბაიჯანელმა ინვესტორმა არას აგალაროვმა და მისმა ვაჟმა, ემინ აგალაროვმა ააშენეს, რომელიც ცნობილი მომღერალია და ცოტა ხნის წინ დუეტი ჩაწერა ნანი ბრეგვაძესთან. (წაიკითხეთ: აზერბაიჯანელი მომღერალი რუსული ბიზნესიდან: პრეზიდენტ ალიევის ყოფილი სიძე, მილიარდერი მამით და საერთაშორისო წარმატებით - ვინ არის ემინი, რომლის დუეტსაც ნანი ბრეგვაძესთან სკანდალი მოჰყვა?)
2013 წლის კონკურსის შემდეგ მალევე, ტრამპი გამოჩნდა ემინის ერთ-ერთ მუსიკალურ კლიპში.
შეგახსენებთ, გუშინ მოსკოვის „კროკუს სითი ჰოლში“ რამდენიმე შეიარაღებულმა პირმა ცეცხლი გახსნა, რასაც ხანძარი მოჰყვა. რუსეთის საგარეო უწყებამ მოსკოვის საკონცერტო დარბაზზე განხორციელებული თავდასხმა ტერაქტად შეაფასა.
სააგენტო Reuters-ის ცნობით, თავდასხმაზე პასუხისმგებლობა ე.წ. „ისლამურმა სახელმწიფომ“ აიღო.
ნახეთ ასევე:
- "მისი წყალობით რამდენიმე ათეულმა ადამიანმა მოახერხა გაქცევა" - რას ჰყვება თვითმხილველი უმძიმეს წუთებსა და მამაკაცზე, რომელმაც ხალხი ტერორისტისგან იხსნა
- ტრაგედიის ადგილი ახლა: როგორ გამოიყურება "კროკუს სითი ჰოლი", სადაც ტერორისტებმა მასობრივი ხოცვა მოაწყვეს