დაღუპულია 40 ადამიანი, შენობაში ხანძარია, ადამიანები გამოსვლას ვერ ახერხებენ, ისმის აფეთქებების ხმა - მოსკოვში სპეცრაზმმა შტურმი დაიწყო: ბოლო ცნობები (ფოტოები)
მოსკოვის "კროკუს სითი ჰოლში" სპეცრაზმმა შტურმი დაიწყო. შენობაში ორი აფეთქების ხმა გაისმა. ამჟამად დიდი ხანძარია, რომელსაც სამაშველო სამსახურები ვერ აქრობენ, რადგან ვერ უახლოვდებიან.
შენობაში იმყოფება 200-ზე მეტი ადამიანი, რომლებიც ტერორისტებისა და ხანძრის გამო გასვლას ვერ ახერხებენ.
ამ ეტაპზე რუსულ ტელეგრამ-არხებში გარდაცვლილების შესახებ სხვადასხვა ინფორმაცია ვრცელდება. რუსულ სამართალდამცავ ორგანოებთან დაკავშირებული "ტელეგრამ არხი" “112” ავრცელებს ინფორმაციას, რომ სროლისა და ხანძრის შედეგას 40 ადამიანია დაღუპული და 100-ზე მეტი დაჭრილი.
რამდენიმე თვითმხილველი, რომელიც გამოიქცა, ყვება, რომ ბოევიკები ორგანიზებულად მოქმედებდნენ, მათ ჯერ დაცვა მოკლეს, ხოლო შემდეგ ცეცხლი გახსნეს.
რამდენიმე მოწმის თქმით, ბოევიკიებს "დიდი შავი წვერი ჰქონდათ". შეიარაღებული არიან, AKM-ის ტიპის ცეცხლსასროლი იარაღით, ასევე სავაურადოდ, თან აქვთ საწვავიც.
ცნობისთვის, რუსული მედიის ინფორმაციით, მოსკოვის "კროკუს სითი ჰოლში" შეიარაღებულმა პირებმა ცეცხლი გახსნეს.
- ავტორი: ანრი კურტანიძე
ნახეთ ასევე: