დიდი დავა მაიკლ ჯექსონის შვილსა და დედას შორის: ბიჯი ჯექსონი და ბებია სასამართლოში ერთმანეთს დაუპირისპირდნენ - რას ვერ იყოფენ ცნობილი ოჯახის წევრები?

მაიკლ ჯექსონის ვაჟმა ბიჯი (ბლანკეტ) ჯექსონმა სასამართლოში განაცხადი შეიტანა, რომ ბებიამის კეტრინს მომღერლის დანატოვარი ქონების გამოყენება აეკრძალოს. 22 წლის ბიჯი ჯექსონმა სასამართლოს ამ კვირის დასაწყისში წარუდგინა საბუთები, იტყობინება TMZ-ის გამოცემა.

იმის მიუხედავად, რომ TMZ-ის განხილულ სასამართლო დოკუმენტებში არ ჩანს კონკრეტულად რა საკითხზე აქვს ჯექსონის ოჯახის ორ წევრს დავა, ნათქვამია, რომ ბებია და შვილიშვილი მაიკლის ანდერძის აღმსრულებლებს უპირისპირდებიან. როგორც ცნობილი გახდა, ჯონ ბრანკა და ჯონ მაკლეინი გარდაცვლილი არტისტის კატალოგის დიდი ნაწილის გაყიდვას გეგმავდნენ, რასაც ბიჯი და კეტრინი დაუპირისპირდნენ.

პოტენციური გაყიდვის შესახებ ბიჯი და მისი ბებია ერთსა და იმავე პოზიციაზე იყვნენ, მაგრამ 22 წლის ბიჭი ბებიამ თავის მომდევნო საჩივრის შეტანამდე საქმის კურსში არ ჩააყენა. ამან კი მაიკლის უმცროსი ვაჟი იძულებული გახადა, რომ სასამართლოში ბებიას დაპირისპირებოდა. ბიჯის ადვოკატებმა სასამართლოს განუცხადეს, რომ მათი კლიენტის აზრით, ბებიის მიერ წაყენებული საჩივარი წარუმატებელი იქნებოდა და არ სურდა, ძვირადღირებული იურიდიული გადასახადებით მისი მამის ქონებას კიდევ უფრო მეტად ეზარალა.

წყარო: dailymail

მოამზადა: ანა სიბოშვილმა