კადრებში ქეითისა და უილიამის ორეულები არიან? - რას ამბობს ჰეიდი ეიგანი, რომელიც ბრიტანელების პრინცესას გაჭრილი ვაშლივით ჰგავს
მას შემდეგ, რაც ბრიტანულმა გამოცემა The Sun-მა გაავრცელა კადრები, სადაც სავარაუდოდ, ქეით მიდლტონსა და პრინც უილიამს ვხედავთ, საზოგადოებაში ახალი შეთქმულების თეორია გაჩნდა.
ადამიანები წერენ, რომ ვიდეოში ქეითის ნაცვლად რეალურად ჰეიდი ეიგანია, ქალი, რომელიც უელსის პრინცესას გაჭრილი ვაშლივით ჰგავს.
სოციალურ ქსელებში ხალხის ფანტაზია იმდენად შორს წავიდა, რომ ჰეიდიმ გადაწყვიტა კონსპირაციულ თეორიებს წერტილი დაუსვას და ვიდეოს შესახებ საუბრობს.
ჰეიდი უკვე ათწლეულზე მეტია, რაც შემოსავალს სწორედ მიდლტონის პაროდიით იღებს. პრინცესას იმიტატორი, რომელიც 2012 წლიდან პროფესიონალურად მუშაობს წვეულებებსა და კონცერტებზე, ამტკიცებს, რომ გავრცელებულ ვიდეოში ნამდვილად ქეითია გადაღებული.
ჰეიდის თქმით, ქალი, რომელსაც კადრებში ვხედავთ, ის ვერანაირად ვერ იქნებოდა, რადგან მეორე სამსახურში იმყოფებოდა და მოსწავლეებს ცეკვაში ავარჯიშებდა:
"გარკვეული სპეკულაციები იყო იმის შესახებ, ნამდვილად ქეითი და უილიამი იყვნენ ამ კადრებში, თუ არა. სოციალურ მედიაში ყველა ფიქრობდა, რომ ეს მე ვიყავი, მაგრამ ასე არაა. ამ დროს სამსახურში ვიყავი და 100 პროცენტით ვარ დარწმუნებული, რომ ვიდეოში ნამდვილად ქეით მიდლტონი და უილიამი არიან". - განუცხადა მან ჟურნალ Mirror-ს.
"ასე რომ, ის ცოცხალია და შეგვიძლია დავმშვიდდეთ. ეს ყველაფერი უკვე ძალიან შორს წავიდა. თუ მას სურს, რომ ოპერაციის შესახებ დეტალები საიდუმლოდ დარჩეს, მაშინ კენსინგტონის სასახლე სწორად იქცევა, რომ მეტ დეტალს არ აზიარებს",- აცხადებს პრინცესას ორეული.
წყარო: dailymail
მოამზადა: ანა სიბოშვილმა