"საჩემპიონო ჰონორარით სიმსივნის დიაგნოზიანი ბენეფიციარების მკურნალობა დააფინანსა" - ილია თოფურია ბერი ანდრიას ფონდს ესტუმრა: რას წერს გიორგი კეკელიძე

UFC პირველი ქართველი ჩემპიონი ილია თოფურია, რომელიც სამშობლოში გუშინ ჩამოვიდა, ბერი ანდრიას ფონდის ბენეფიციარებს ესტუმრა. ინფორმაციას სოციალურ ქსელში "ბიბლუსის" შემოქმედებითი დირექტორი, მწერალი გიორგი კეკელიძე ავრცელებს.

"დღეს UFC პირველი ქართველი ჩემპიონი Ilia Topuria ბერი ანდრიას ფონდი/Monk Andrew's Foundation - ის ბენეფიციარებს ესტუმრა და ფონდის კეთილი ნების ელჩის წოდება გადავეცით. მიხარია, რომ ამ ელჩის ტიტულს მეც ვატარებ რამდენიმე თვეა. ილია შესანიშნავი სპორტსმენი და მოქალაქეა. მან საკუთარი საჩემპიონო ჰონორარით სოლიდური სიმსივნის დიაგნოზიანი ბენეფიციარების მკურნალობა დააფინანსა" - წერს კეკელიძე.

UFC-ის ჩემპიონი, რომელიც საქართველოში პრემიერ-მინისტრის მოწვევით ჩამოვიდა, 21 მარტს საქართველო-ლუქსემბურგის საფეხბურთო მატჩზე საჩემპიონო ქამარს წარადგენს.

ნახეთ ასევე:

• ხალხით გადაჭედილი თბილისის საერთაშორისო აეროპორტი და მიმდებარე ტერიტორია - ილია თოფურია სამშობლოში დაბრუნდა (ფოტო/ვიდეო)
• ფოტოები მთავრობის ადმინისტრაციიდან, სადაც ილია თოფურია მშობლებთან ერთად მივიდა - პრემიერისა და ჩემპიონის შეხვედრის დეტალები