"იმისთვის, რომ მივიღოთ ის, რაც ლეგიტიმურად გვეკუთვნის, მზად უნდა ვიყოთ გავცეთ ის, რაც ლეგიტიმურად არ გვეკუთვნის" - ფაშინიანი
აზერბაიჯანისგან რომ მოვითხოვოთ, ჩვენ უნდა დავდგეთ ჩვენს სასაზღვრო ხაზზე, - ამის შესახებ პრემიერ-მინისტრმა ნიკოლ ფაშინიანმა ტავუშის რაიონის სოფლების მოსახლეობასთან შეხვედრაზე განაცხადა.
"ასევე ვაყენებთ 31 სოფლის საკითხს, რომელშიც შედის ბერქაბერი, აიგეჰოვიტი, ვაზაშენი, პარავაკარი, სია გამოქვეყნებულია“, - აღნიშნა ფაშინიანმა. სომხეთის პრემიერის თქმით, ოპოზიცია მას იმაში ადანაშაულებს, რომ აზერბაიჯანისთვის ტავუშის სოფლების დათმობა სურს.
"ოპოზიცია ამბობს, რომ მას (ფაშინიანს) სურს ტავუშის სოფლების დათმობა. ტავუშის პროვინციაშია სოფელი ხრიმლუ? ვინ არის ამ სოფლის ადმინისტრაციის უფროსი? გაცნობა მინდა. ტავუშში არის სოფელი ასკიფარა? ვინ არიან ამ სოფლის მკვიდრნი? იმისთვის, რომ მივიღოთ ის, რაც ლეგიტიმურად ჩვენია, ჩვენ მზად უნდა ვიყოთ გავცეთ ის, რაც ლეგიტიმურად ჩვენი არ არის“, - აღნიშნა ფაშინიანმა.
მისი თქმით, არსებობს რეალური შესაძლებლობა, სომხეთსა და აზერბაიჯანს შორის სახელმწიფო საზღვრის დელიმიტაციისა და დემარკაციის პროცესი ბაგანისიდან ბერქაბერამდე ტერიტორიაზე.
"ვხედავთ, რომ არის რეალური შესაძლებლობა, დაიწყოს სომხეთსა და აზერბაიჯანს შორის სახელმწიფო საზღვრის დელიმიტაციისა და დემარკაციის პროცესი ამ მონაკვეთზე - ბაგანისიდან ბერქაბერამდე. აზერბაიჯანი აყენებს საკითხს ოთხი არაანკლავური სოფლის შესახებ, ჩვენ ვსაუბრობთ 31 სოფელზე. აზერბაიჯანი იყენებს ასეთ არგუმენტს, რომ სომხეთის არცერთი დასახლებული პუნქტის ფაქტობრივი ტერიტორია აზერბაიჯანის კონტროლის ქვეშ არ არის, ანუ არც ერთი სოფლის საცხოვრებელი ტერიტორია არ არის აზერბაიჯანის კონტროლის ქვეშ. ისინი ამბობენ: მოდით, თავად გავათავისუფლოთ დასახლებული პუნქტები და მერე ვისაუბროთ სოფლების სასიცოცხლო მნიშვნელობის ტერიტორიებზე. ჩვენ, რა თქმა უნდა, ვაპროტესტებთ და ვამბობთ, რომ სოფელი არ არის მხოლოდ სოფლის საკრებულო, ეს არის მისი სასიცოცხლო მნიშვნელობის ტერიტორიებიც. ჩვენი პოლიტიკა არის ის, რომ ომი არ უნდა დავუშვათ. და ამიტომ გადავწყვიტეთ, რომ ამ მხარეში სომხეთის საზღვრის კორექტირება მოვახდინოთ. ჩვენ ამას ვაკეთებთ არა მხოლოდ სომხეთის გულისთვის, არამედ კონკრეტულად სოფლების, ვოსკეპარისა და კირანცისთვის, რათა ამ სოფლების უსაფრთხოება უზრუნველვყოთ“, - აღნიშნა ფაშინიანმა.