23
ივნისიდღის ზოგადი ასტროლოგიური პროგნოზი
ბოლო ორი კვირაა მსოფლიოს სხვადასხვა ქვეყანაში ფრინველების მასობრივი დახოცვის შესახებ იტყობინებიან. მეცნიერები ამ მოვლენის რამდენიმე მოტივზე საუბრობენ: მავანის აზრით, ფრინველები ფეიერვერკების აფეთქების შედეგად გამოწვეულმა ხმაურმა იმსხვერპლა, სხვების ვერსიით, ყველაფერში დამნაშავე მომწამლველი ქიმიკატებია, თუმცა ზუსტი მიზეზები კვლავ დაუდგენელია.
ყველაფერი 2010 წლის 31 დეკემბერს დაიწყო, როდესაც მთელი მსოფლიო ახალი წლის შესახვედრად ემზადებოდა. არკანზასის შტატის ქალაქ ბიბში საახალწლო ფეიერვერკების დასრულების შემდეგ მიწაზე 3 ათასამდე დახოცილი შაშვი ჩამოვარდა. მეცნიერებმა გამოთქვეს მოსაზრება, რომ აფეთქებების ხმაურით შეშინებულმა ფრინველებმა ორიენტაცია დაკარგეს და არასწორი მიმართულებით ფრენის დროს ყველაფერს ეჯახებოდნენ, რაც გზად ხვდებოდათ. აღსანიშნავია, რომ დღისით ამ ფრინველებს ორიენტაცია არ უჭირთ და საკმაოდ მაღალა დაფრინავენ.
არკანზასის მოსახლეობა მალე დამშვიდდა, თუმცა რამდენიმე დღის შემდეგ ლუიზიანას შტატში, დაახლოებით, 500 შაშვი დაიხოცა. ფრინველთა მასობრივი ხოცვა მოგვიანებით ევროპაშიც დააფიქსირეს.
5 იანვარს შვედეთის სამხრეთ-დასავლეთით ასობით ყვავი, კაჭკაჭი და მტრედი დაიხოცა. თავდაპირველად სპეციალისტებმა განაცხადეს, რომ ჩიტების დახოცვის მიზეზი "ძლიერი გარეგანი ზემოქმედება" გახდა - მათ მრავლობითი მოტეხილობები და სისხლმდინარე ჭრილობები აღენიშნებოდათ. მოგვიანებით კი გამოითქვა მოსარზება, რომ ჩიტები ქიმიურმა მოწამლვამ იმსხვერპლა, რადგან დახოცილი ფრინველები ქიმიურ ქარხანასთან ახლოს აღმოაჩინეს. ლაბორატორიული გამოკვლევის შემდეგაც სპეციალისტებმა ჩიტების დახოცვის ზუსტი მიზეზის დადგენა ვერ შეძლეს. ადგილობრივმა ორიენტოლოგებმა განაცხდეს, რომ ფრინველების დახოცვა საგზაო "რეგენტების" შემადგენლობაში შემავალი ნივთიერებების ზემოქმედებამ გამოიწვია. თუმცა საიდან აღმოჩნდა მათ სხეულებზე ჭრილობები, გაურკვეველია. ადგილობრივი მოსახლეობა დაბნეული და შეშინეულია.
ფრინველების მასობრივი დახოცვა ბუნებაში იშვიათი შემთხვევა არა რის, თუმცა ამჯერად ყველა ხვდება, რომ რაღაც განსხვავებულთან გვაქვს საქმე.
7 იანვარს იტალიის ქალაქ ფაენცაში ასობით მკვდარი გვრიტი იპოვეს. გამოითქვა მოწამლვისა და ეპიდემიის ვერსიები, თუმცა ისევე როგორც წინა შემთხვევებში, გამოძიებამ მოვლენის ზუსტი მიზეზები ვერ დაადგინა.
8 იანვარს კანადის ქალაქ სან-ოგიუსტენ-დე-დემორში ასობით მკვდარი მტრედი აღმოაჩინეს. კანადელმა ორიენტოლოგებმა მიზეზების დაგენა ვერც ამჯერად შეძლეს, თუმცა მოსახლეობა იმით დაამშვიდეს, რომ ამ შემთხვევას აშშ-ში, შვედეთსა და იტალიაში მომხდარ შემთხვევბთან კავშირი არ აქვს.
11 იანვარს თურქეთის პროვინცია ბურსაში ათეულობით მკვდარი შოშია იპოვეს. დახოცილი ფრინველი გზაზე ეყარა, რის გამოც გამოითქვა მოსაზრება, რომ მათი დახოცვა სატვირთო ავტომობილებთან შეჯახებამ გამოიწვია, თუმცა ნამდვილი მიზეზი კვლავ უცნობია.
მავანის მოსაზრებით, საქმე გვაქვს ახალი საიდუმლო იარაღის გამოცდასთან და სახიფათო ქიმიური ნივთიერება - ფოსგენის ტრანსპორტირებასთან. საქმე ის არის, რომ ბოლო დღეებში მილიონობით ზღვის ბინადარიც დაიხოცა. იმ ადამიანების აზრით, რომლებსაც 2012 წელს სამყაროს აღსასრულის სჯერათ, ფრინველების, თევზებისა და კობორჩხალების მასობრივი დახოცვა, რაც ავსტრალიაში და გერმანიაში ძლიერ წყალდიდობებს დაემთხვა, სამყაროს დასასრულის მოახლოებას ნიშნავს.
Videoრატომ იხოცებიან მასობრივად ფრინველები?
მომზადებულია lenta.ru-ს მიხედვით.
რატომ იხოცებიან მასობრივად ფრინველები?
