"ბავშვებს ვუყვარვარ, ამიტომ მათთვის მისაბაძი მაგალითი უნდა გავხდე. უნდა ვიყო მშვიდი, თავმდაბალი" - ხვიჩა კვარაცხელია Adidas-თან თანამშრომლობის, "ნაპოლისა" და ბავშვობის შესახებ

იტალიური "ნაპოლის" ქართველი ვარსკვლავი ხვიჩა კვარაცხელია Adidas-ის სარეკლამო ვიდეო რგოლში გადაიღეს. კვარაცხელიასთან ცნობილმა ბრენდმა კონტრაქტის გააფორმა და ხვიჩა მათი ოფიციალური წარმომადგენელი გახდა.

მსგავსი რამ გავრცელებული პრაქტიკაა. ცნობილი სპორტული ბრენდები ფეხბურთის სუპერვარსკვლავებთან აფორმებენ მსგავს კონტრაქტებს. ხვიჩა კი პირველი ქართველი ფეხბურთელია, რომელიც Adidas-თან თანამშრომლობს.

• ამჯერად კვარაცხელიასთან ინტერვიუ versus-მა ჩაწერა და ამ თანამშრომლობაზე ესაუბრა. "ამ ქართველ გიგანტს ჯერ არ დაუსრულებია მთების გადაადგილება", - ასე მოიხსენიებს გამოცემა ფეხბურთელს:

- პირველ რიგში, რას ფიქრობთ უახლეს "Generation Pred" ფეხსაცმელზე?

- საოცარია. ჩემთვის adidas Predator-ის დიაპაზონი ზიდანთან და სხვა ლეგენდარულ მოთამაშეებთან ასოცირდება. ამიტომ ჩემთვის პრივილეგიაა ამ ბუცებით თამაში.

- ოდესმე გიფიქრიათ, რომ ადიდასის სახე გახდებოდით?

- სულაც არა! რა თქმა უნდა, სიზმარს ჰგავდა, როდესაც შევიტყვე ამ პარტნიორობის შესახებ, რადგან adidas მსოფლიოში საუკეთესო ბრენდია. ამით ძალიან ვამაყობ.

- რატომ არის ასე მნიშვნელოვანი ფეხბურთელისთვის რომ საუკეთესო ბუცები ჰქონდეს?

- სიმართლე გითხრათ, როცა კარგი ბუცები გაქვს, გოლის გატანა ბევრად უფრო ადვილია, ამიტომ ფეხბურთელისთვის, რომელიც ჩემს პოზიციაზე თამაშობს, ეს ძალიან მნიშვნელოვანია.

- შენ ძალიან კარგად თამაშობ "ნაპოლიში". როგორია, იყო ამ გუნდის წევრი და რა დამოკიდებულებას იღებ გულშემატკივრებისგან?

- ძალიან ბედნიერი ვარ, რადგან "ნაპოლის" მართლაც საოცარი გულშემატკივრები ჰყავს. მათ ძალიან უყვართ ფეხბურთი და მადლიერი ვარ, რომ ასე კარგად მექცევიან.

"ნაპოლი" დიდი გუნდია, დიდი ლეგენდებით - მარადონა აქ თამაშობდა. ეს ასევე შესანიშნავი ქალაქია და ჩემი აზრით, მსოფლიოში ერთ-ერთი საუკეთესო კლუბია. სწორედ ასეთი რამ ხდის ჩემს გამოცდილებას დაუვიწყარს.

- და შენი მეტსახელი: "კვარადონა". როგორ მიიღეთ ეს სახელი? თქვენ ახლახან ახსენეთ მარადონა, დიდი პატივი უნდა იყოს, რომ გულშემატკივრები თქვენ ორს შორის მსგავსებას ხედავენ...

- დიახ, რა თქმა უნდა, რადგან მარადონა "ნაპოლის" ღმერთია. მაგრამ მას თავს ვერ შევადარებ, რადგან ის ერთ-ერთი საუკეთესო მოთამაშეა ფეხბურთის ისტორიაში. ბუნებრივია, საოცრად ვამაყობ, რომ გულშემატკივრები "კვარადონას" მეძახიან, ეს ჩემთვის ბევრს ნიშნავს.

- თამაშის ძალიან გამორჩეული სტილი გაქვთ - როგორ განავითარეთ ეს სტილი? ყოველთვის ასე თამაშობდი, თუნდაც ბავშვობაში?

- ვარჯიშის შემდეგ მეგობრებთან ერთად საათობით ვაგრძელებდი საქართველოში, პატარა სტადიონზე თამაშს. სწორედ აქ შევიმუშავე ტექნიკა, რომელსაც დღეს ვიყენებ. თავისუფლებით თამაში ყოველთვის საუკეთესო საშუალებაა ფეხბურთის სათამაშოდ.

- შენი სახელის ირგვლივ დიდი მღელვარებაა... როგორ შეიცვალა შენი ცხოვრება?

- რთულია. ყველა გიყურებს... საქართველოში ბავშვებს ვუყვარვარ, ამიტომ მათთვის მისაბაძი მაგალითი უნდა გავხდე. უნდა ვიყო მშვიდი, თავმდაბალი... ვცდილობ ყველაფერი გავაკეთო როგორც მოედანზე, ისე მის გარეთ.