23
ივნისიდღის ზოგადი ასტროლოგიური პროგნოზი
ძლიერი აფეთქება მოხდა წუხელ დიდუბის რაიონში, სამტრედიის ქუჩა #2-ში. მომხდარის შედეგად დაზიანებულია ახლომდებარე კორპუსებში ფანჯრების მინები, ასევე ავტომობილები. აფეთქება სავარაუდოდ, ბუნებრივი აირის გაჟონვამ გამოიწვია და მომხდარის შედეგად არავინ დაშავებულა.
თბილისის საკრებულოს დიდუბის რაიონის მაჟორიტარი დეპუტატის, გივი ჩხარტიშვილის განცხადებით, საცხოვრებელი კორპუსიდან, სადაც წუხელ აფეთქება მოხდა, სხვადასხვა სასტუმროში 53 ადამიანია გაყვანილი.
- დეპუტატი ამბობს, რომ ფართი, სადაც აფეთქება ამოხდა კომერციული იყო, თუმცა არ ადასტურებს ინფორმაციას, რომ ადგილზე სარემონტო სამუშაოები მიმდინარეობდა.
"აღნიშნულ ტერიტორიაზე მიმდინარეობს საგამოძიებო მოქმედებები, მუშაობენ ექსპერტები. მოსახლეობა, ვისაც თავშესაფარი არ ჰქონდა, გადაყვანილია სხვადასხვა სასტუმროში. დაზიანების ხარისხი მძიმეა. დაზიანება არის რამდენიმე კორპუსში, ჩამსხვრეულია მინები და აღნიშნულ მოქალაქეებსაც არ დავტოვებთ უყურადღებოდა. პროცესი მიმდინარეობს, ჩემი ინფორმაციით, 53 ადამიანია გაყვანილი სხვადასხვა სასტუმროში. კომერციული ფართია და დაზიანებულია საცხოვრებელი სახლებიც“,- განაცხადა გივი ჩხარტიშვილმა.
მთარგმნელი, ჟურნალისტი ნინო ბეკიშვილი და მისი მეუღლე მხატვარი დავით ხიდაშელი სწორედ ამ კორპურსშ ცხოვრობენ. ამბობენ, რომ ღამით ძლიერმა აფეთქების ხმამ გააღვიძა.
რას წერს ნინო ბეკიშვილი?
"მეგობრებო, დილიდან არ წყდება ზარები და მესიჯები ჩემთან და დათოსთან და ძალიან გულაჩუყებული ვარ ასეთი ყურადღებით. შუაღამისას, 3 საათზე საშინელი აფეთქების ხმამ წამოგვყარა მთელი ოჯახი - ახალგაღვიძებულზე ეგრევე მეგონა, რომ ომი დაიწყო, ამოწყდეს პუტინი! მერე დავინახეთ, რომ სახლი აფეთქდა - გვერდით სადარბაზოს პირველი ორი სართული სრულიად გამონგრეულია.
ჩვენთან, მეცხრე სართულზე მხოლოდ შუშებია ჩამსხვრეული. სასწაულია, რომ ასეთ საშინელ აფეთქებას მსხვერპლი არ მოჰყოლია, ამაზე ფიქრი რაღაცნაირად მიმსუბუქებს სტრესს და შიშს. კომერციული ფართია პირველ სართულზე, სადაც მიმდინარეობდა რემონტი. რა მოხდა, რამ გამოიწვია ასეთი ძლიერი აფეთქება, ჯერ არ ვიცით. დანამდვილებით არც ის, რა მოელის ჩვენს კორპუსს. ვართ ევაკუირებულები თეონასთან და ცივ ნიავს არ გვაკარებს. დიდი მადლობა ყველას.
სამტრედიის ქუჩის მაცხოვრებელი თქვე მართლა მათხოვრებო თუ მცხოვრები? უწიგნურების ზეიმია საქართველოსა და ამბები.ჯიზე.
Სამტრედიის ქუჩაზე კიარა, სამტრედიაში იცხოვრეთ და არაფერი მოგივათ.