ნიგერიაში 300-მდე ბავშვის გამტაცებლები გამოსასყიდს ითხოვენ: "გვეუბნებიან, რომ თანხა 20 დღის განმავლობაში უნდა გადავიხადოთ, წინააღმდეგ შემთხვევაში, ყველას მოკლავენ"

ნიგერიაში შეიარაღებული ჯგუფი, რომელმაც 7 მარტს სკოლიდან 280-ზე მეტი ბავშვი გაიტაცა, გამოსასყიდს ითხოვს. გამტაცებლებმა სკოლის მოსწავლეების თავისუფლება მილიონ ნაირად (ადგილობრივი ვალუტა) შეაფასეს, რაც 620 432 დოლარს შეადგენს.

ჯუბრილ ამინუმ, საზოგადოების ლიდერმა, რომელიც მოქმედებს როგორც მძევლების ოჯახების წარმომადგენელი, თქვა, რომ გამტაცებლებს ტელეფონით ესაუბრა:

"ითხოვენ, რომ გამოსასყიდი 20 დღის განმავლობაში გადავიხადოთ, წინააღმდეგ შემთხვევაში, ყველას მოკლავენ" - განაცხადა ამინუმ.

ნიგერიის უსაფრთხოების ძალები ამ დრომდე ცდილობენ გამტაცებლებისა და მძევლების ადგილსამყოფლის დადგენას.

ცნობისთვის, ორმოცდაათამდე შეიარაღებული მამაკაცი 7 მარტს დაესხა თავს სკოლას ჩრდილოეთ ნიგერიის სოფელ კურიგაში და მძევლად აიყვანა 7-დან 15 წლამდე ასაკის 300-მდე მოსწავლე. ზოგიერთი მათგანი მოგვიანებით გაათავისუფლეს, მაგრამ თავდამსხმელებმა მინიმუმ 286 ბავშვი წაიყვანეს თან. სკოლის დირექტორის თქმით, მოსწავლეების გადარჩენის მცდელობისას ერთი ადამიანი მოკლეს ცეცხლსასროლი იარაღით.