პესიმისტები უფრო წარმატებულები ყოფილან და უკეთეს შედეგს აღწევენ, ვიდრე ოპტიმისტები - როგორ აიხსნება ეს მეცნიერულად

პესიმისტურმა განწყობამ და პრობლემებზე ჩივილმა შესაძლოა გააუარესოს ადამიანის ცხოვრების ხარისხი, მაგრამ ამავდროულად პირიქით, დადებითად იმოქმედოს და მიიღოს უფრო ინფორმირებული გადაწყვეტილებები. მეცნიერებმა ეს დასკვნა ახალი კვლევების საფუძველზე მიიღეს.

European Journal of Work and Organizational Psychology-ში გამოქვეყნებულმა კვლევამ აჩვენა, რომ რაც უფრო ბევრს საუბრობს ადამიანი ცხოვრებაში პრობლემებსა და სირთულეებზე, მით უფრო ცუდად გრძნობს თავს ფსიქოლოგიურად.

თუმცა, თუ პესიმისტების ქმედებების ეფექტიანობას შევაფასებთ, მაშინ ცრურწმენამ და წყენამ შეიძლება პრაქტიკული სარგებელი მოიტანოს. ახალმა კვლევამ აჩვენა, რომ გაღიზიანება აუმჯობესებს ანალიტიკურ აზროვნებას, რაც უკეთესი გადაწყვეტილებების მიღებისკენ გვიბიძგებს.

კვლევის თანახმად, ადამიანები, რომლებიც თავიდანვე არ იყვნენ ოპტიმისტურად განწყობილნი ქორწინების მიმართ, უკეთესად უმკლავდებოდნენ ქორწინების პრობლემებსა და სირთულეებს და, შესაბამისად, უფრო დიდხანს რჩებოდნენ სტაბილური ქორწინებაში, ვიდრე რომანტიკულად ოპტიმისტი ხალხი.

შრომითი კვლევების ინსტიტუტის მიერ ჩატარებულმა კვლევის თანახმად, ოპტიმიზმი ხშირად კრიტიკული ანალიზის მტერია.

მეცნიერების განმარტებით, როდესაც იმედგაცრუებას ან გაღიზიანებას გრძნობთ, ამიგდალა (იგივე ნუშისებრი სხეული ლიმბური სისტემის ქერქქვეშა სტრუქტურა, რომელიც მოთავსებულია თავის ტვინში საფეთქლის წილის სიღრმეში) უშვებს ქიმიურ სიგნალებს, რომლებიც იწვევენ პულსის აჩქარებას და სხეულს ადრენალინით ავსებენ. ამ დროს ადამიანის მოტივაცია იზრდება.

ექსპერიმენტული სოციალური ფსიქოლოგიის ჟურნალის კვლევამ აჩვენა, რომ გაღიზიანება (მაგრამ არა აშკარა გაბრაზება) იწვევს უფრო მეტ იდეებს. თქვენი ამიგდალა წუწუნს, გაღიზიანებას ან ბრაზის გრძნობას აღიქვამს, როგორც უსიამოვნების ნიშანს და ამ დროს, გამოიყენებს ქიმიურ რესურსებს, რათა დაგეხმაროთ სიტუაციიდან გამოსავლის ძიებაში.