აღმოჩენა ჩერნობილში: ნაპოვნია ცოცხალი არსებები, რომლებიც ბირთვული კატასტროფას არ დაუზიანებია - რა არის ამის მიზეზი?

მეცნიერებმა ჩერნობილში აღმოაჩინეს ცოცხალი არსებები, რომლებიც ბირთვული კატასტროფით არ დაზარალდნენ. ესენი არიან მიკროსკოპული ჭიები, რომლებსაც შეუძლიათ იცოცხლონ მაღალი რადიაციის პირობებშიც კი.

მიკროსკოპული ჭიები დღესაც ცხოვრობენ ჩერნობილის რადიაციულ ზონაში, რაც მიუთითებს იმაზე, რომ მათ არ შეხებიათ 1986 წელს ატომურ ელექტროსადგურზე მომხდარი კატასტროფა. ინფორმაციას ამერიკული სამეცნიერო ჟურნალი PNAS ავრცელებს.

მეცნიერებმა ადგილზე მოინახულეს მაღალი რადიაციული ზონა და შეაგროვეს Oscheius tipulae სახეობის მიკროსკოპული ჭიები. კვლევის ჩატარების შემდეგ, ექსპერტებმა დაადგინეს, რომ მიუხედავად რადიაციის მაღალი დონისა. ამ სახეობის ჭიების გენომი ხელუხლებელი დარჩა ბირთვული კატასტროფის შემდეგაც.

ასეთი ანალიზი მნიშვნელოვანია, რათა გამოკვლეულ იქნეს კატასტროფის გავლენა ადგილობრივ პოპულაციებზე. მკვლევრებმა დაკვირვებისთვის აიღეს 15 ჭიის გენომი ჩერნობილიდან და ხუთი სხვა ინდივიდი პლანეტის სხვა ნაწილებიდან.

როგორც კვლევისას დადგინდა, ჩერნობილის ზონიდან აყვანილი ჭიების გენომს არ ჰქონდა დაზიანების არანაირი ნიშან-წყალი, რაც მიუთითებს იმაზე, რომ მათ შეუძლიათ გადარჩენა ექსტრემალურ პირობებშიც კი. მეცნიერები ხაზგასმით აღნიშნავენ, რომ ასეთი მდგრადობა შეიძლება იყოს სახეობის თვისება და არა რადიაციის ზემოქმედების შედეგი.

მეცნიერები აცხადებენ, რომ აგრძელებენ ამ არსებების გამოკვლევას.