რუსეთში 10 დღით დააპატიმრეს სტუდენტი, რომელმაც WiFi-ს "დიდება უკრაინას" დაარქვა
მოსკოვში დააკავეს და 10-დღიანი პატიმრობა მიუსაჯეს სახელმწიფო უნივერსიტეტის სტუდენტს, რომელმაც WI-FI-ის ქსელს "დიდება უკრაინას" დაარქვა.
მოსკოვის სასამართლომ ის "ექსტრემისტული ორგანიზაციების სიმბოლოების" საჯარო დემონსტრირებაში ცნო დამნაშავე
სასამართლოს დოკუმენტების თანახმად, ოფიცრებმა შეამოწმეს ოთახი უნივერსიტეტის სტუდენტურ საცხოვრებელში და აღმოაჩინეს დაკავებულის პერსონალური კომპიუტერი და wi-fi როუტერი. პოლიციამ ისინი ნივთმტკიცებებად ამოიღო.
Amnesty International-ის თანახმად, გასულ წელს 21 000-ზე მეტი ადამიანი გახდა სამიზნე რუსეთის "რეპრესიული კანონებისა“, რომლებიც გამოიყენებოდა "ომის საწინააღმდეგო აქტივისტების დარბევის მიზნით“.