მნიშვნელოვანი ინფორმაცია
21
მაისიდღის ზოგადი ასტროლოგიური პროგნოზი
ოთხშაბათი, მთვარის ოცდამეოთხე დღე დაიწყება 03:14, მთვარე თევზებშია - კარგია ახალი, მნიშვნელოვანი საქმეების დაწყება. ფინანსური საკითხების მოგვარება. ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. არ გირჩევთ ოპერაციის ჩატარებას ღვიძლზე, ფეხებზე. კარგია ტერფების მასაჟი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დატყვევებული და ერთ სივრცეში განთავსებული ველური ცხოველები შესაძლოა ახალი პანდემიების წყაროდ იქცეს - საფრთხე, რომლის შესახებაც ბევრი არაფერი ვიცით
11:14 / 06-03-2024
ცხოველთა უფლებების დამცველთა თქმით, დღესდღეობით მსოფლიოში უამრავი ცხოველი ექსპლუატაციის მსხვერპლია. დაახლოებით, 5,5 მილიარდი ველური ბუნების ბინადარი, გარეული ცხოველი სასტიკ პირობებში იმყოფება, რაც დიდ რისკს უქმნის როგორც თავად ცხოველებს, ასევე ადამიანებს.
ერთ სივრცეში - იქნება ეს ზოოპარკები, თუ ე.წ. ველური ცხოველების ფერმები, დიდი რაოდენობით მობინადრე ცხოველის თავმოყრამ შეიძლება გააჩინოს დიდი რისკი ამა თუ იმ დაავადების გაჩენის, გავრცელების და შესაძლოა, პანდემიად ქცევისაც.
"ეს მხოლოდ დროის საკითხია თუ როდის გადაედებათ ადამიანებს ესა თუ ის დაავადება. საზოგადოებამ ნახა Covid-19, თითქოს ეს იყო ერთჯერადი დაავადება, მაგრამ ეს მხოლოდ ერთ-ერთია ზოონოზური დაავადებების გრძელ ხაზში“, - ამბობს ცხოველთა დამცველი გლობალური კამპანიების დირექტორი ნიკ სტიუარტი.
მკვლევრებმა გამოიკვლიეს და შეისწავლეს ონლაინ ჩანაწერები მთელი მსოფლიოდან, რათა დაედგინათ ველური ცხოველების რაოდენობა ტურისტულ და ცხოველთა მოყვარულთათვის შექმნილ სივრცეებში. ინტერნეტში გავრცელებული ჩანაწერებიდან გამომდინარე, ვარაუდობენ, რომ 2000-დან 2020 წლამდე ამგვარ სივრცეებში 963 711 547 ცხოველი იყო მოშენებული. სამთავრობო ორგანოებიდან გამოთხოვილი ინფორმაციის თანახმად კი, 2021-დან 2022 წლამდე კიდევ 858 743 გარეული ცხოველი აღმოჩნდა ამ ვითარებაში, თუმცა ოფიციალურად გამოქვეყნებული რიცხვები, სავარაუდოდ, რეალური რაოდენობის მხოლოდ მცირე ნაწილია.
ცხოველთა დაცვის ორგანიზაციები აღნიშნავენ, რომ ეს, დიდი ალბათობით, ზუსტი რიცხვი არ არის, მათი შეფასებით, უფრო ზუსტი მაჩვენებელი გაცილებით დიდია და მსოფლიო მასშტაბით, დაახლოებით, 5,5 მილიარდამდე ტყვეობაში მყოფ ცხოველს მოიცავს.
როგორც უკვე აღვნიშნეთ, ველური ბუნების მეურნეობის საერთაშორისო ინდუსტრია მორალურად და ფიზიკურად ზიანს აყენებს არა მხოლოდ ცხოველებს, ასევე სერიოზულ რისკს ქმნის ადამიანებისთვისაც.
ზოონოზური დაავადებები არის ინფექციური დაავადებები, რომლებსაც შეუძლიათ ცხოველებიდან ადამიანზე გადასვლა. ყოველწლიურად დადგენილია, რომ ორი მილიონი ადამიანის სიკვდილი გამოწვეულია სწორედ რომ ამ დაავადებებით - რომელთაგან 70%-ზე მეტი ველური ბუნებიდან მომდინარეობს.
ვიეტნამში, მკვლევრებმა აღმოაჩინეს მსგავს სივრცეებში მობინადრე მინიმუმ 43 000 გარეული ცხოველი, რომლებიც ადამიანებზე საშიში დაავადებების გადადების მაღალ რისკს ქმნიან.
“ჩვენ ბევრი რამ ვიცით იმ დაავადებების შესახებ, რომლებსაც შინაური ცხოველები ატარებენ, მაგრამ გაცილებით ნაკლები ვიცით იმ დაავადებების შესახებ, რომლებიც ველურ ბუნებაში გვხვდება, ამ რისკების გათვალისწინების გარეშე, მსოფლიოს შესაძლოა კიდევ ერთი პანდემიის გადატანა მოუწიოს“, - ამბობს პროფესორი დიანა ბელმი, აღმოსავლეთ ინგლისის უნივერსიტეტის განვითარებადი ზოონოზური დაავადებების ექსპერტი.
საბოლოო ჯამში, ექსპერტები ასკვნიან:
"ეს არ არის მხოლოდ ცხოველთა კონსერვაციის, არამედ მმართველობის, კორუფციისა და კრიმინალის ერთ-ერთი მნიშვნელოვანი საკითხი, ველური ბუნების ფერმებს მართავენ კრიმინალური ორგანიზაციები, რომლებიც არ ფიქრობენ არც ცხოველებზე და არც ადამიანების უსაფრთხოებაზე, მათ მხოლოდ მოგება და შემოსავალი აღელვებთ“.
ამ ყველაფერს კი ამართლებენ, როგორც რიგ შემთხვევაში ადამიანების დასაქმებისა და უზრუნველყოფის გზას, მაგრამ მკვლევრები ხაზს უსვამენ, რომ ველური ბუნების ინდუსტრიული მეურნეობა შედარებით ახალი ფენომენია და მთავრობებმა უნდა იმუშაონ დასაქმების ალტერნატიულ საშუალებებთან დაკავშირებით. წყარო
მოამზადა ანასტასია შალიკაშვილმა
00:00 / 00:00
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
პირველებმა ბექა ონიანზე სასტიკი ანგარიშსწორების პირველი კადრები მოიპოვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გარეული ცხოველები იზოლირებულები მაინც არიან თქვენ იმაზე იფიქრეთ ამდენი მაწანწალა დაავადებული ძაღლებით რო გაივსო ქვეყანა პადიეზდებიც სავსეა მაგათ განავლით ქუჩაში ხო სულ დაბლა უნდა იყურო რო ფეხი არ ჩადგა თან რა აგრესიულები არიან ბავშვს ვერ უშვებ სკვერია თუ პარკი რო არ დაკმინონ მარა ამ გამოსირებულ მთავრობას სუ არ კიდია ბავშვები როცა ევროპიდან აქვთ დირექტივა მიღებული
რამდენი მაიმუნის საქართველოში, ნუთუ ყველა ტყვეობაშია?