გვარამიას მომავალ პოლიტიკურ გუნდს მოჭიდავე ზურა დათუნაშვილი უერთდება - რას აცხადებს სპორტსმენი, რომელმაც ახლახან დაასრულა წარმატებული კარიერა?
ცნობილი მოჭიდავე ზურა დათუნაშვილი, რომელმაც ახლახან დაასრულა სპორტსმენის კარიერა, პოლიტიკაში ჩართვას აანონსებს - ის ნიკა გვარამიას მიერ დაფუძნებულ პარტიის "ახალი" გუნდს უერთდება.
დათუნაშვილი სოციალურ ქსელში ვიდეომიმართვას ავრცელებს და ამ გადაწყვეტილების მიზეზს ასახელებს.
"მივიღე გადაწყვეტილება, რომ ჩავერთო პოლიტიკაში. არა იმიტომ, რომ სპორტსმენი ვიყავი, ვიღაცისთვის შეიძლება წარმატებული, ვიღაცისთვის შეიძლება წარუმატებელი. პოლიტიკაში ვერთვები იმიტომ, რომ მაქვს ჩემი ღირებულებები, შეხედულებები და ამაზე საუბარი შემიძლია ყველასთან და ყველგან. პოლიტიკაში ვერთვები ახალ, ვიმეორებ, ახალ საუკეთესო გუნდთან ერთად", - აცხადებს ზურა დათუნაშვილი.
ბერძნულ - რომაული სტილით მოჭიდავე ზურაბ დათუნაშვილს 2019 წელს, ჭიდაობის ფედერაციის პრეზიდენტთან დაპირისპირების გამო მოუწია საქართველოს სკანდალით დატოვა. მას მერე გამოდიოდა სერბეთის სახელით. მოახერხა ოლიმპიური ბრინჯაოსა და მსოფლიო ჩემპიონის ტიტულის ორგზის მოპოვება. 2022 წელს დათუნაშვილი სერბეთში წლის საუკეთესო სპორტსმენად დაასახელეს