17
ივლისიდღის ზოგადი ასტროლოგიური პროგნოზი
რამდენიმე დღის წინ, ირანში დაბადებულ არქიტექტორ აფამე შონაუერს "მის გერმანია 2024"-ის სტატუსი მიენიჭა. სოციალურ ქსელებში 39 წლის აფამეს გამარჯვებას სხვადასხვაგვარი რეაქციები მოჰყვა: ზოგიერთი მომხმარებელი ქალს არასაკმარისად ლამაზად მიიჩნევდა, ზოგი კი არასაკმარისად "გერმანელად".
- გარდა იმისა, რომ შონაუერი დედაა, ის არქიტექტორად მუშაობს და როგორც ამბობს, პარალელურად ქალთა უფლებების დაცვით არის დაკავებული.
თვითონ აფამეც მიგრანტია. ის ირანში დაიბადა და 6 წლის ასაკში ოჯახთან ერთად გერმანიაში გადავიდა საცხოვრებლად. მისი თქმით, უცხო ქვეყანაში ცხოვრების პირველი წლები ყველაზე რთული იყო.
"მის გერმანიის" შესარჩევ კონკურსზე სცენაზე გამოსვლისას კი აფამემ თქვა, რომ სურს დახმარება გაუწიოს თავისნაირ ახალგაზრდა ქალებს, რომლებიც გერმანიაში მიგრანტად ცხოვრების სირთულეებს განიცდიან. მისი ორგანიზაცია, სახელად "შირზანი", რომელიც ხვად ლომს ნიშნავს, ჩაგრულ ქალებს ეხმარება. ორგანიზაცია ქალებს თავიანთი ისტორიებისა და გამოცდილების ერთმანეთისთვის გაზიარებისკენ უბიძგებს, რათა შემდეგ თავიანთი პოტენციალის სრულად რეალიზება შეძლონ.
"მის გერმანიის" კონკურსის უფრო ინკლუზიურად გახდომაში შონაუერის გამარჯვება მნიშვნელოვანი ნაბიჯი იყო.
- 2019 წლიდან გერმანია ფიზიკური სილამაზისა და ბიკინის კონკურსებიდან სილამაზის უფრო კომპლექსურ განმარტებაზე გადავიდა, რომელიც მონაწილეების პიროვნებასა და ქმედებებზე უფროა ფოკუსირებული.
წლევანდელი ფინალისტები ქვეყნის წინამორბედ სილამაზის დედოფლებს საერთოდ არ ჰგავდნენ - ერთ-ერთი მათგანი ორი წელია დონორის გადანერგილი გულით ცხოვრობს, მეორეს კი იშვიათი ავტოიმუნური დაავადება აქვს და ეტლით გადაადგილდება. წელს კონკურსის წინა ასაკობრივი ზღვარიც მოიხსნა და ყველაზე უფროსი ფინალისტი 42 წლის იყო.
სოციალურ ქსელებში შონაუერის გამარჯვებას სხვადასხვაგვარი რეაქციები მოჰყვა, ზოგიერთი იმას აპროტესტებდა, რომ ის სილამაზის სტერეოტიპულ სტანდარტებში არ ჯდებოდა, ზოგიერთი კი იმას იწუნებდა, რომ ის "საკმარისად გერმანული" გარეგნობის არ იყო. თუმცა თვითონ სილამაზის კონკურსი ცვლილებებით კმაყოფილია და სულაც არ გეგმავს ძველებურ სტანდარტებზე დაბრუნებას:
"ჩვენ ისეთ ქალებს ვეძებთ, რომლებიც პასუხისმგებლიანები არიან და სხვებისთვის მისაბაძად იქცევიან. ამით ისინი კოსმოპოლიტურ და თანამედროვე საზოგადოებას ქმნიან",- ნათქვამია "მის გერმანიის" ვებსაიტზე.
წყარო: euronews
მოამზადა: ანა სიბოშვილმა
ეს "მის სილამაზის" კი არა "მის ულამაზოს" კონკურსი იქნებოდა
მიდი ევროპა, ყველგან და ყველაფერში დააწინაურე ზანგები, არაბები, ირანელები და მალე თქვენ აღარც დარჩებით. თუ გადაშენებას აპირებთ ეგ თქვენი არჩევანია