მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მინდა მეგრულად წარვდგე... მადლობას გეტყვით, თუ გადაარჩენთ მეგრულ, სვანურ, ლაზურ, წოვა-თუშურ ენებს" - ანა წითლიძემ პარლამენტში განცხადება მეგრულად გააკეთა (ვიდეო)
17:57 / 22-02-2024
"ნაციონალური მოძრაობის“ დეპუტატმა ანა წითლიძემ პარლამენტში "თავისუფალი ტრიბუნის“ ფორმატში განცხადების ნაწილი მეგრულ ენაზე გააკეთა.
როგორც მან მეგრულად განმარტა, აღნიშნული ქმედებით იმის ჩვენება სურს, რომ ენა მისი იდენტობის ნაწილია.
"გუშინ მშობლიური ენის დღე იყო, რომელსაც ყველა ქვეყანაში აღნიშნავენ, ამიტომ, მე მინდა პარლამენტის ტრიბუნიდან მეგრულად წარვდგე. მეგრულად იმის საჩვენებლად ვსაუბრობ, რომ ენა ჩემი იდენტობის ნაწილია. მეგრული ენა ახლა სიკვდილის პირას დგას და ჩემი ვალია ერთი აგური მაინც დავდო ჩემი ენის გადარჩენის საქმეში. მე მჯერა, რომ მეგრულის, სვანურის, ლაზურისა და წოვა-თუშურის გადარჩენა ბევრს ჩემსავით უთბობს გულს როგორც საქართველოს პარლამენტში, ისე მის გარეთაც“,- განაცხადა ანა წითლიძემ მეგრულ ენაზე.
- წითლიძის ამ გამოსვლის შემდეგ პარლამენტის ვიცე-სპიკერმა, დღევანდელი სხდომის წამყვანმა გია ვოლსკიმ საკუთარი აზრი გამოთქვა, რომ პარლამენტის ტრიბუნიდან წითლიძის მიერ მეგრულად საუბარი საარჩევნოდ სამეგრელოდან ხმების წამოღებას ემსახურება.
"ჩემს მეგრელებს მინდა მოვეფერო. რასაკვირველია, უნდათ, წინასაარჩევნოდ, სამეგრელოდან ხმები წამოიღონ, მაგრამ არ მგონია, ამ გამოსვლით თავი მოუქონოთ მეგრელობას“, - განაცხადა ვოლსკიმ.
მას წითლიძემ ამჯერად მიმართა და უთხრა, რომ მადლობელი იქნება, თუ თუნდაც წინასაარჩევნოდ "ქართული ოცნება“ მეგრულ, სვანურ, ლაზურ და წოვა-თუშურ ენებს გადაარჩენს“. წითლიძის თქმით, აღნიშნული ენები გაქრობის საფრთხის წინაშეა.
"ბატონო გია [ვოლსკი], მე ვიქნები თქვენი პირველი გულშემატკივარი, თუ თუნდაც საარჩევნოდ გააკეთებთ იმას, რასაც ახლა მე გთხოვთ საქართველოს პარლამენტს და მე ვიქნები, ვინც "ქართულ ოცნებას“ მადლობას გეტყვით, თუ თქვენ გადაარჩენთ მეგრულ, სვანურ, ლაზურ, წოვა-თუშურ ენებს. ჩემი სიტყვა მეგრულ ენაზე წარმოვთქვი, რომელიც ქართველური ენების ოჯახიდანაა და ზუსტად ისეთივე მშობლიურია, როგორც ქართული. გუშინ იყო მშობლიური ენის საერთაშორისო დღე და მე მეგრულადაც ვთქვი: ორი მშობლიური ენა მაქვს, მეგრული და ქართული, ქართული და მეგრული და მათ ერთმანეთისგან არ ვასხვავებ. ვიცი, რომ პარლამენტის ტრიბუნიდან და არა მხოლოდ, ამ საკითხზე საუბარს გამბედაობა სჭირდება. რისკებს შეიცავს, რომ არაკეთილსინდისიერად იყოს განმარტებული, მაგრამ ჩემი გამბედაობა არაფერია იმასთან შედარებით, რა საფრთხის წინაშეა მეგრული, სვანური, ლაზური, წოვა-თუშურ ენები და არაფერია იმასთან შედარებით, რომ ამ ენებს გაქრობა ემუქრებათ. მინდა, სწორედ ამ საფრთხეებზე გესაუბროთ და მხარდაჭერა გთხოვოთ უმრავლესობასაც და ოპოზიციასაც“,- განაცხადა ანა წითლიძემ.
- მისივე თქმით, "საბჭოთა ნარატივი და სიმახინჯეა შიში მეგრული, სვანური, ლაზური, წოვა-თუშურის განვითარებაზე და ამ შიშების დამსხვრევის დროა“. მისივე თქმით, აღნიშნულ ენებს და სახელმწიფოს მხრიდან დახმარება და ხელშეწყობა სჭირდება.
"მინდა, პარლამენტის ტრიბუნიდან სწორედ ამის მაგალითი მოგცეთ, რომ მიუხედავად განსხვავებული პოზიციებისა, შევძლოთ ქართული სახელმწიფოს მრავალფეროვნების და სიმდიდრის დაცვა. არაფერი იმაზე შეურაცხმყოფელი არაა, სეპარატიზმი დააბრალო მეგრული, სვანურის, ლაზურის, წოვა-თუშურის მექომაგეებს, საქართველოს ათასობით მოქალაქეს“,- განაცხადა წითლიძემ.
- დეპუტატი პარლამენტს მიმართავს, აღნიშნული ენების საკითხზე დისკუსია გახსნას.
"მივმართავ საქართველოს პარლამენტს, განათლების კომიტეტს, გახსენით დისკუსია, მოუსმინეთ სპეციალისტებს და გულშემატკივრებს, მეგრული, სვანური, ლაზური და წოვა-თუშური ენების გადასარჩენად. ნებისმიერი ენა ინსტიტუციური მხარდაჭერის გარეშე მოკვდება“,- განაცხადა ანა წითლიძემ.
ანა წითლიძეს მეგრულად უპასუხა "ქართული ოცნების“ წევრმა, ირაკლი ზარქუამ.
00:00 / 00:00
მკითხველის კომენტარები /
87 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეფუთის შესახებ გაგიგიათ რამე?კვაშილავას ლექციებს მოუსმინეთ.
ზოგიერთი კომენტარი ადასტურებს ჩვენს სრულ გაუნათლებლობას.როგორ შეიძლება 3500 წლის ისტორიის ენა სხვა ენის დიალექტი იყის.საქართველოს გაერთიანების შემდეგ კოლხეთის,შემდგომ სამეგრელოს მოსახლეობა ორენოვანი იყო,მეგრული ენის არსებობას სეპარაზმის საფრთხე არასდროს მოყოლია.რაც შეეხება თანამედროებას,მეგრული ენა საფრთხის ქვეშ არის და მას ამა თუ იმ მიზეზების გამო გადაშენების (სვანურთან ერთად) საფრთხე ემუქრება. ამიტომ მას უმდა მიენიჭოს რეგიონალური ენის სტატუსი.