რუსების მორიგი პროვოკაცია? - ვრცელდება ინფორმაცია, რომ სირსკის შვილობილი რუსეთის მხარდამჭერია და მათ ავდიევკას აღებას ულოცავს
"უკრაინის შეიარაღებული ძალების ახალი მეთაურის, ოლექსანდრ სირსკის ნაშვილები შვილი რუსებს ავდიევკას აღებას ულოცავს“, - ასეთ ინფორმაციას აქვეყნებს რუსული ოპოზიციური ტელეგრამ-არხი Astra.
- გამოქვეყნებულ ინფორმაციაში ნათქვამია, რომ ივან სირსკი, ოლექსანდრ სირსკის შვილი (რომელიც მისი ბიოლოგიური შვილი არ არის) ავდიევკაში რუსეთის წარმატებას ზეიმობს, აცვია მაისური Z გამოსახულებით და ყვირის - “დიდება რუსეთს!“. მათივე ცნობით, ივანი აცხადებს, რომ რუსეთის მოქალაქეობის მიღებას აპირებს.
"ასტრას“ მონაცემებით, სირსკიმ ივანი პირველი ქორწინების დროს იშვილა. ამავე ქორწინებაში მას და მის ცოლს ბიოლოგიური შვილიც შეეძინათ, სახელად ანტონი. განქორწინების შემდეგ, ივანი და ანტონი დედასთან ერთად ავსტრალიაში გადავიდნენ, მამასთან კი კონტაქტი არ აქვთ.
აღსანიშნავია, რომ ივან სირსკი 2014 წლიდან რუსეთის მხარდასაჭერ აქციებში მონაწილეობს.
- უკრაინა აღნიშნულს არ ადასტურებს. ადრე გავრცელდა ინფორმაცია, რომ უკრაინის შეიარაღებული ძალების ახალ მეთაურს მშობლები რუსეთში ჰყავს, თვითონ სირსკი რუსეთის ფედერაციის ვლადიმირსკის ოლქიდან არის.
"რუსები ცდილობენ ახალ მეთაურს "საბჭოური და რუსი“ ადამიანის იმიჯი მოახვიონ. ისინი ამ მიზეზით ეძებენ მის ნათესავებსა და "ოჯახის მეგობრებს“, იღებენ მათგან კომენტარს და ზემოხსენებულ კონტექსტში ავრცელებენ“, - ნათქვამია დეზინფორმაციის წინააღმდეგობის ცენტრის განცხადებაში.
ავტორი: ანრი კურტანიძე
ნახეთ ასევე: