"ამბობენ, რომ ვალერი მელაძის ქალიშვილები კარგად არ ხვდებიან დედინაცვალს" - რუსული მედია ცნობილი ოჯახის შიდა სამზარეულოზე საუბრობს და ინგა მელაძის ინტერვიუს აქვეყნებს

ამჟამად ვალერი მელაძის უფროსი ქალიშვილი ინგა მელაძე, გასული წლის ოქტომბერში მეორედ დაოჯახდა. მისი რჩეული რუსი ფოტოგრაფი ნიკიტა ბერეჟნოი გახლდათ, რომელთანაც 2021 წლიდან იყო ურთიერთობაში.

ქორწილი მელაძის სამშობლოში, საქართველოში გაიმართა. წვეულებაზე 150-200-მდე სტუმარი იყო მიწვეული.

33 წლის ინგა მელაძის პირადი ცხოვრების შესახებ თითქმის არაფერია ცნობილი, გარდა იმისა, რომ ეს მისი მეორე ქორწინებაა. იგი პირველად 2017 წელს დაქორწინდა მაროკოელ ჟურნალისტ ნორი ვერგეზეზე, რომელთან ერთადაც სწავლობდა ოქსფორდის უნივერსიტეტში. ეს ქორწინება მხოლოდ ორი წელი გაგრძელდა: 2019 წელს წყვილი დაშორდა.

• რუსული მედია აქვეყნებს ინგა მელაძის იშვიათ ინტერვიუს, რომელიც ქალმა ცოტა ხნის წინ მედიას მისცა. ინგა ამბობს, რომ ოცნებობს რაც შეიძლება მალე გახდეს დედა. ქალმა აღიარა, რომ მზად არის ბავშვის გაჩენისთვის.

"ჩვენი საუკეთესო ერთობლივი პროექტი ბავშვებია. ხოლო თუ ბიზნესის ნაწილზე ვისაუბრებთ, გვინდა რომ გვქონდეს კარგი სასტუმრო ან პატარა რესტორანი მარტივი და გემრიელი კერძებით. მაგრამ დიდი საქმეების ერთად კეთება უფრო სახიფათო ჩანს, ვიდრე ამის გაუკეთებლობა, ასე რომ, ახლა ჩვენ ჯერჯერობით ჩვეულებრივ ვაგრძელებთ ცხოვრებას“, - აღნიშნა ინგამ.

მომავალმა მეუღლეებმა ერთ-ერთ ღონისძიებაზე გაიცნეს.

"ჩვენ შემთხვევით ერთ ღონისძიებაზე აღმოვჩნდით. ნიკიტა, როგორც ფოტოგრაფი, მე კი, როგორც სტუმარი. სასაცილოა, რომ ეს მოხდა მატარებელში, რომელიც მიდიოდა ივანოვოსკენ, სადაც ფაქტობრივად მოხდა ეს მოვლენა. ტყუილად არ ამბობენ, რომ ივანოვო პატარძლების ქალაქია" - იხსენებს ვარსკვლავის ქალიშვილი.

"უპირველეს ყოვლისა, ჩვენ მეგობრები ვართ, ყოველთვის გვიყვარს ერთად დროის გატარება და არ გვერიდება საუბარი არცერთ თემაზე. ვფიქრობთ, ეს არის მთავარი წყვილის ურთიერთობაში".

ინგა მელაძემ და ნიკიტა ბერეჟნოიმ საქართველოში 2023 წლის შემოდგომაზე იქორწინეს. სამშობლოში პატარძლის ვარსკვლავი მამა, ვალერი მელაძეც იმყოფებოდა. ჭორების თანახმად, მომღერლის ქალიშვილები პირველი ქორწინებიდან კარგად არ ხვდებიან მელაძის ამჟამინდელ მეუღლეს, ალბინა ჯანაბაევას.

ვალერი მელაძემ და ალბინა ჯანაბაევამ საიდუმლო რომანი ჯერ კიდევ 2000-იან წლებში დაიწყეს - შემდეგ მათ ვაჟი კონსტანტინე შეეძინათ. მომღერლის პირველმა მეუღლემ, ირინამ ღალატი ძალიან განიცადა.

”ის არსებობს ამ სამყაროში, მაგრამ მე მისი სახელით არ ვიძინებ. ის ჩემს ცხოვრებაში არ ერევა. ისე, არიან ასეთი ხალხი. მათ იციან როგორ იცხოვრონ ყოველგვარი წესების გარეშე. "მე არ მაქვს მისი ველური სიძულვილი", - აღიარა ერთხელ თავის მეტოქეზე მელაძის პირველმა ცოლმა.

ვალერი მელაძემ მოგვიანებით მედიასთან აღნიშნა, რომ პირველი ცოლის მიმართ გრძნობები გაუქრა და სწორედ მაშინ გამოჩნდა მის ცხოვრება ჯანაბაევა. „ირამ არა მხოლოდ ცუდი, არამედ შესანიშნავი დღეებიც გაატარა ჩვენი ქორწინების დროს. რატომ ქორწინდებიან ადამიანები? - იმიტომ რომ ერთმანეთთან თავს კარგად გრძნობენ. იყო პერიოდი, როცა ურთიერთგაგება იყო და მერე... ჩვენი ურთიერთობა მანამდე დასრულდა, სანამ ალბინას შევხვდებოდი“, - ამბობდა მედიასთან ვალერი მელაძე