სვანეთში, მაცხვარიშის მთავარანგელოზის ეკლესიის გასაოცარი მხატვრობა (ფოტოები)

ფოტოგრაფი მინდია ჩარქსელიანი სოციალურ ქსელში ზემო სვანეთში, სოფელ ლატალში გადაღებული ტაძრის კადრებს აქვეყნებს. მაცხვარიშის მთავარანგელოზის ეკლესიის ფრესკები მნახველს გაოგნებულს ტოვებს. გადმოცემის თანახმად, ტაძარი მიქაელ მაღლაკელს და მის ორ შეგირდს მოუხატავს. კადრებში ჩანს, რომ მე-12 საუკუნის ტაძარში, ფრესკები აქამდე ხელუხლებლად არის შემონახული.

"ლატალი... სოფელი, საიდანაც იწყება თავისუფალი სვანეთი და სადაც ამბობენ, რომ 67 ეკლესია ყოფილა. 67 უფლის გალერეა როგორია?!

მაცხვარიშის მთავარანგელოზის ეკლესია მეფე დემეტრე I-ის მხატვარს, მიქაელ მაღლაკელს და მის ორ შეგირდს მოუხატავს. ფერები, ფუნჯის მონასმები საოცარია.

ამბობენ, ეკლესიის ერთ-ერთი მოხატულობა მნიშვნელოვან ისტორიულ ფაქტზე, დემეტრეს მეფედ კურთხევის ცერემონიაზე მოგვითხრობსო“, - წერს მინდია ჩარქსელიანი.