მნიშვნელოვანი ინფორმაცია
11
ივლისიდღის ზოგადი ასტროლოგიური პროგნოზი
პარასკევი, მთვარის მეჩვიდმეტე დღე დაიწყება 23:08-ზე, მთვარე მერწყულს ესტუმრება 21:19-ზე – რეკომენდებულია კომუნიკაცია, შეხვედრები მეგობრებთან; შემოქმედებითი საქმიანობა; პრეზენტაციებისა და სარეკლამო კამპანიების ჩატარება. გუნდური მუშაობა. წარუდგინეთ პროექტები თქვენს უფროსებს განსახილველად. მოაწყვეთ კორპორაციული წვეულებები. არ არის რეკომენდებული მნიშვნელოვანი საკითხების გადაჭრა. სერიოზული და ფართომასშტაბიანი მოლაპარაკებების წარმოება. ხელსაყრელი პერიოდია სამეცნიერო საქმიანობის, კვლევისთვის. ადამიანები ავლენენ დამოუკიდებლობას, ექსტრავაგანტურობას, კომუნიკაბელურობას, ექსპერიმენტებისადმი მიდრეკილებას და გამომგონებლობას. მნიშვნელოვანია მოამზადოთ რაიმე გემრიელი და უჩვეულო, ჩაატაროთ ექსპერიმენტები სამზარეულოში.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ალა პუგაჩოვასა და მაქსიმ გალკინს რუსეთში სასახლის ჩამორთმევით ემუქრებიან - დაათვალიერეთ წყვილის ციხესიმაგრე, სადაც გასაოცარი ფუფუნება და სიმდიდრე სუფევს
12:25 / 20-02-2024
ალა პუგაჩოვას და მაქსიმ გალკინს, რომლებმაც რუსეთი უკრაინაში ომის დაწყების შემდეგ შვილებთან ერთად დატოვეს, შესაძლოა, სოფელ გრიაზში მდებარე ცნობილი სასახლე ჩამოართვან. ამის შესახებ "ტელეგრამარხი" Shot წერს.
არხის ცნობით, სახელმწიფო დუმამ შინაგან საქმეთა სამინისტროს სთხოვა გადაემოწმებინა, შესაძლებელია თუ არა სასახლე სახელმწიფო საკუთრებაში გადავიდეს, უცხოელი აგენტების ქონების კონფისკაციის შესახებ ახალი კანონის ფარგლებში. შეგახსენებთ, რომ კანონი ამ ცოტა ხნის წინ მიიღეს, რომლის თანახმადაც, უცხოეთის აგენტებად გამოცხადებულ პირებს, რუსეთში საკუთრება ჩამოერთმევათ.
ციხე-კოშკის ღირებულება დაახლოებით 1 მილიარდი რუბლია და ის რეგისტრირებულია მაქსიმ გალკინზე. ახლა ის ცარიელია, თუმცა სამშობლოში ბოლო ვიზიტისას, ალა პუგაჩოვა იქ დარჩა.
სახელმწიფო სათათბიროს დეპუტატის დიმიტრი გუსევის თქმით, გალკინს, რომელიც საჯაროდ აკრიტიკებს რუსეთის ხელისუფლების ქმედებებს, პირველ რიგში უნდა ჩამოერთვას ქონება. გარდა ამისა, ალა პუგაჩოვას უნდა ჩამოერთვას სახალხო არტისტის წოდება. თავად გალკინს უკვე ჩამოერთვა კუზბასის ღირსების ორდენი. კომიკოსის თქმით, ის არ აპირებს ჯილდოს დაბრუნებას, რომელიც სოფელ გრიაზის ციხესიმაგრეში ინახება.
დაათვალიერეთ რუსეთში ყველაზე პოპულარული წყვილის სასახლე
ვარსკვლავურმა ოჯახმა ციხესიმაგრე ოდინცოვოს ურბანული რაიონის სოფელ გრიაზში 2010-იანი წლების დასაწყისში ააშენა და მას შემდეგ, ის ამ ადგილის მთავარი ღირსშესანიშნაობაა. სამი ათასი კვადრატული მეტრი ფართობის სასახლე ბორცვის თავზე დგას და შუა საუკუნეების ციხე-სიმაგრეს წააგავს წვეტიანი კოშკებითა და ქონგურებით.
ამ სასახლეში გალკინმა და პუგაჩოვამ მრავალი წელი გაატარეს. მედიაში გაჩნდა ინფორმაცია, რომ ძვირადღირებულ მამულში, ამ ცოტა ხნის წინ 10 მილიონი დოლარი შესთავაზეს, დაახლოებით 700 მილიონი რუბლი. თუმცა ფაქტია, რომ ისინი გაყიდვას არ ჩქარობენ.
წარმოგიდგენთ საინტერესო ფაქტებს და ფოტოებს პრიმადონას მილიარდიან სასახლეზე:
სოფელი გრიაზი, მოსკოვის რეგიონის ოდინცოვოს ურბანული რაიონის ნაწილია, რომელიც დედაქალაქიდან 55 კილომეტრში მდებარეობს. 2011 წლიდან ეს ადგილი ცნობილი გახდა ამ უზარმაზარი სასახლის წყალობით, სადაც ვარსკვლავური ოჯახი საცხოვრებლად გადავიდა.
ის დგას გორაკის თავზე სოფლის განაპირას, დიდ მწვანე ფართობზე, რომელიც გადაჰყურებს მდინარეს. ეკლექტიკური სასახლე, რომელიც აერთიანებს ნეო-გოთიკური სტილის დეტალებს, მთლიანად ქვით არის აშენებული. მისი სტრუქტურა გარკვეულწილად მოგვაგონებს შუა საუკუნეების ციხეებს წვეტიანი კოშკებით.
შენობების საერთო ფართი სამი ათასი კვადრატული მეტრია. აქვს დიდი მიწისქვეშა პარკინგი, საცურაო აუზი და სპა.
მიუხედავად საუკუნეების წინანდელი სტილისა, ციხის შიგნით განთავსებულია ლიფტი, რათა ალას არ მოუწიოს ფეხით ასვლა იმ სართულზე, სადაც საბავშვო ოთახებია განთავსებული. ტერიტორია მოიცავს მოსამსახურეთა სახლებს, ღია სცენას ზაფხულის გარე კონცერტებისთვის, ზამთრის ბაღს სათბურით და უცნაურ მონუმენტურ შენობებს, რომელიც რომაულ ამფითეატრს მოგაგონებთ.
ამ ადგილებში უყვარდა გალკინს თავისი "ტიკ-ტოკისთვის" ვიდეოების გადაღება. კომიკოსი სპეციალურად რომაულ ტოგასაც კი იცვამდა ხოლმე.
სასახლის ინტერიერი ისეთივე ბრწყინვალებითა და მდიდრული, კლასიკური სტილით გამოირჩევა, როგორც მისი მთელი არქიტექტურა. ხის ჩუქურთმები, მოხატული ჭერი, ბროლის სანათები, სვეტები, ქანდაკებები, გალერეები.
მას შემდეგ, რაც წყვილმა ქვეყანა დატოვა, რუსი ჟურნალისტები პერიოდულად ჩადიან გრიაზში და ფოტოებს უღებენ სასახლეს. ბოლო ინფორმაციაში ვკითხულობთ: "ციხის გარე ფასადი ადგილ-ადგილ აქერცლილია და რემონტს საჭიროებს, მაგრამ ზოგადად, სასახლეში სიცოცხლეა. ორი მცველი საბრძოლო პოსტზეა, მებაღე ფოთლებს ასუფთავებს. გამოდის, რომ ოჯახი ჯერ კიდევ ასობით ათას რუბლს ხარჯავს ცარიელ ციხე-სიმაგრეში მყოფი პერსონალის ხელფასებზე“.
მკითხველის კომენტარები /
8 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ვიდეოკადრებს ავრცელებს პროკურატურა პოლიციელზე თავდასხმაში ბრალდებულ 19 წლის საბა ჯიქიასთან დაკავშირებით?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სასაცილოა,როგორ უნდა ჩამოერთვას ესტრადის დედოფლის სტატუსი-გვირგვინს წაართმევენ?ეს ხალხის სიყვარულითა და ტალანტით მოიპოვა!
რა იმღერე ასეთი საქართველოში ბევრად უფრო კარგი მომღერლები გვყავს მარა სასახლებს ვერ აღწევენ