მოჭიდავე ლევან თედიაშვილს მშობლიურ საგარეჯოში ხვალ დაკრძალავენ

ქართველ მოჭიდავე ლევან თედიაშვილს ხვალ, 20 თებერვალს დაკრძალავენ. კერძოდ, ლევან თედიაშვილს 20 თებერვალს, 14:00 საათზე, ძველი სპორტის სასახლიდან გამოასვენებენ და საგარეჯოს მუნიციპალიტეტში გადაასვენებენ, სადაც დაკრძალვაა დაგეგმილი.

ქართველი მოჭიდავე ლევან თედიაშვილი 75 წლის ასაკში გარდაიცვალა.

ლევან თედიაშვილი 1948 წლის 15 მარტს საგარეჯოში დაიბადა. იყო ოლიმპიური თამაშების 2-გზის ჩემპიონი (1972, 1976) ჭიდაობაში, მსოფლიოს 4-გზის (1971, 1973, 1974, 1975) და ევროპის 3-გზის ჩემპიონი (1974, 1976, 1978). მსოფლიო თასის მფლობელი (1973). ასევე მსოფლიო ჩემპიონი სამბოში (1973). 1971, 1973 და 1974 წლებში დასახელდა საქართველოს წლის საუკეთესო სპორტსმენად.

იხილეთ ასევე:

• "მამა, სად მოდიხარო? შენთვის ნასროლ ერთ ტყვიას მაინც გადავეფარები-მეთქი..." - დიადი ფალავნის გამარჯვებები, დიდი ტრაგედია და გზა ტატამიდან გადასაღებ მოედნამდე
• "რაც მაგ შაჰებს საქართველოსთვის საქმე უქნიათ, ხო ერთბაშად ამოვიყარე ყველას ჯავრი..." - მოგონებები ლეგენდარულ ლევან თედიაშვილზე