მნიშვნელოვანი ინფორმაცია
7
აპრილიდღის ზოგადი ასტროლოგიური პროგნოზი
ორშაბათი, მთვარის მეათე დღე დაიწყება 13:37-ზე, მთვარე ლომშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. კარგი დღეა უფროსთან შესახვედრად და ახალი პროექტების განსახილველად; საქმიანობის, სამსახურის შესაცვლელად. მოერიდეთ ფიზიკურ დატვირთვას; გულის გადაღლას, ოპერაციებსა გულსა და ზურგზე; შესაძლოა შეგაწუხოთ რადიკულიტმა. უმჯობესდება ფსიქოემოციური ფონი. ადამიანი უფრო ხალისიანი ხდება. კარგი დღეა ქორწინებისა და ნიშნობისათვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"რადგან ნავალნის ცხედრის გადაცემას ასე აჭიანურებენ, ეს ნიშნავს, რომ რუსეთის ხელისუფლებას რაღაც აქვს დასამალი"
11:53 / 19-02-2024
რუსეთის სასჯელაღსრულების სამსახურის თანამშრომლებს შეეძლოთ ალექსეი ნავალნის ცხედარი 17 თებერვლის ღამეს, კოლონიიდან სალეხარდის საავადმყოფოში პოლიტიკოსის ადვოკატისა და ნათესავების მისვლამდე გადაეტანათ, - წერს "მედიაზონა.“
გამოცემის ჟურნალისტებმა შეისწავლეს ვიდეოჩანაწერები, რომელიც ლაბიტნანგისა და სალეხარდის გადაკვეთაზე დაყენებული კამერით არის გადაღებული. ეს გახლავთ ერთადერთი სახმელეთო მარშრუტი კლინიკამდე. ვიდეოებში ჩანს ოთხი მანქანის მიერ შემდგარი კოლონა, მათ შორის არის სასჯელაღსრულების მანქანაც. გამოცემის ჟურნალისტები ვარაუდობენ, რომ აღნიშნული მანქანით კოლონიიდან ნავალნის ცხედარი სალეხარდში გადაასვენეს, რათა ახლობლებისთვის დაემალათ. შეგახსნებთ, ნავალნის დედა და ადვოკატი, როდესაც ხარპეს კოლონიაში ჩავიდნენ, სადაც პოლიტიკოსი სასჯელს იხდიდა, სალეხარდის მორგში გაგზავნეს, მაგრამ იქ მათ უთხრეს, რომ ნავალნის ცხედარი იქ არ იყო.
Novaya Gazeta Europe, წყაროებზე დაყრდნობით წერს, რომ პოლიტიკოსის ცხედარი ნამდვილად სალეხარდის რაიონული კლინიკური საავადმყოფოს მორგში იყო და ახლობლებს ეს დაუმალეს.
ნავალნის გარდაცვალებიდან სამი დღეა გასული, მის ოჯახს კი ცხედარი აქამდე არ მიუღია.
BBC-ის სამედიცინო ექსპერტების თქმით, რაც უფრო გადადებს რუსეთის ხელისუფლება ნავალნის ცხედრის გაკვეთას, მით უფრო ნაკლებია ალბათობა, რომ ის ბუნებრივი სიკვდილით გარდაიცვალა.
საგამოძიებო კომიტეტმა კი ოპოზიციონერის თანამოაზრეებს განუცხადა, რომ ისინი ჯერ კიდევ ადგენენ პოლიტიკოსის გარდაცვალების მიზეზს და გამოძიებას მომავალ კვირაზე ადრე ვერ დაასრულებენ.
სალეხარდის სასწრაფო დახმარების სადგურის თანამშრომელმა გამოცემას განუცხადა, რომ მისი ინფორმაციით ნავალნის სხეულზე სიცოცხლის განმავლობაში მიღებული სისხლჩაქცევები აღმოაჩინეს, მაგრამ ეს არ იყო ცემისგან მიყენებული. სასწრაფო დახმარების მუშაკი ამბობს, რომ მსგავსი დაზიანებები კრუნჩხვის დროს ჩნდება. მისი თქმით, ნავალნის სისხლჩაქცევა აღენიშნებოდა მკერდზეც.
"როგორ ჩანს, მაინც სცადეს რეანიმაცია და ის სავარაუდოდ, გულის გაჩერებით გარდაიცვალა. მაგრამ რატომ გაუჩერდა გული, ამაზე ჯერ არავინ არაფერს ამბობს“, - წერს Novaya Gazeta Europe.
გამოცემის ცნობით, 17 თებერვლის მდგომარეობით, ექსპერტიზა არ ჩატარებულა.
"მხოლოდ დროულ გაკვეთას შეუძლია ნათელი მოჰფინოს უეცარი გარდაცვალების მიზეზებს - ეს უნდა მომხდარიყო რაც შეიძლება სწრაფად, სულ მცირე, 24 საათის განმავლობაში. ეს არის ნორმალური ქმედება უეცარი სიკვდილის შემთხვევაში“, - ამბობს ბი-ბი-სი-სთან კონსტანტინე ბალონოვი - ტაფტსის ანესთეზიოლოგიისა და ინტენსიური თერაპიის განყოფილებაში პერიოპერაციული მედიცინის მიმართულების ხელმძღვანელი.
ხდება, რომ ადამიანები მოულოდნელად კვდებიან, ამბობს ექსპერტი: "ვფიქრობ, სიკვდილის მიზეზი რომ იყოს მასიური თრომბოემბოლია, მწვავე კორონარული სინდრომი ან გულის შეტევა, ხელისუფლებისთვის უფრო მომგებიანი იქნებოდა გაკვეთის ჩატარება და ახლობლებისთვის ცხედრის გადაცემა...“
მისივე თქმით, გულმკერდზე სისხლჩაქცევები, რაზეც Novaya Gazeta Europe წერდა, შესაძლოა გულ-ფილტვის რეანიმაციის შედეგი იყოს. არაპირდაპირი გულის მასაჟი, როგორც წესი, ეს ტრავმულია, ამ დროს ნეკნის მოტეხვაც კი შესაძლებელია.
ბალონოვის თქმით, სასამართლოდან გავრცელებულ ვიდეოში, რომელშიც ნავალნი წინა დღეს საუბრობდა და ხუმრობდა, ის არ ჰგავდა ადამიანს, რომელსაც სერიოზული დაავადებები ჰქონდა: მისი მდგომარეობა, რამდენადაც ვიდეოდან შეიძლება ვიმსჯელოთ, ადეკვატური იყო.
უცნობი ნივთიერებით მოწამვლის ალბათობას უფრო მეტი ადამიანი უშვებს - როგორც ეს მოხდა 2020 წელს, მაგრამ კვლევის გარეშე ამის მტკიცება შეუძლებელია. ტოქსიკური ნივთიერება, ექიმის თქმით, ორგანიზმში საკმაოდ დიდხანს რჩება, მით უმეტეს, თუ ადამიანი გარდაცვლილია, მაგრამ 2020 წლისგან განსხვავებით, ახლა ნაკლებად სავარაუდოა, რომ ნავალნის ნათესავებმა შეძლონ კვლევისთვის სინჯების აღება ან ნავალნის ცხედარი გაგზავნონ საზღვარგარეთ.
"რადგან ნავალნის ცხედარის გადაცემას ასე აჭიანურებენ, ეს ნიშნავს, რომ რუსეთის ხელისუფლებას რაღაც აქვს დასამალი" , - ამბობენ ექსპერტები.
იხილეთ ასევე:
- "მის სხეულზე სისხლჩაქცევები აღმოაჩინეს... როცა ადამიანს კრუნჩხვები აქვს, ამ დროს ჩნდება ასეთი სისხლჩაქცევები" - რა ახალი გარემოებები ხდება ცნობილი ნავალნის გარდაცვალების თაობაზე
- პუტინის სისხლიან დიქტატურას ორჯერ გადარჩენილი ნავალნი საბოლოოდ ისევ მის მსხვერპლად იქცა - სამშობლოში დაბრუნების საბედისწერო გადაწყვეტილება და გზა კოლონია "პოლარულ მგლამდე"
მკითხველის კომენტარები /
28 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
იმათ ვინც ფიქრობთ რომ პუტინს არ აწყობდა, მისი სიკვდილი. ჯერ ერთი არჩევნებზე მას კონკურენტი არავინ ჰყავს, მეორეც მთელი ცივილიზირებული სამყარო ეუბნება ომი შეწყვიტეო და არავის უსმენს და ნავალნის შეკვეთაზე დაიხევდა უკან? დიახაც ეშინოდა ნავალნის და ამიტომაც მოკლა. შიშს ვეძახი იმას რომ ბოლო დროს მისი მომხრეები გააქტიურდნენ, სწორედ მათ მოიპოვეს მისი სასახლეების და აგარაკებზე ინფორმაციები. პუტინს შეეშინდა შიდა არეულობის, თავისი მორჩილი ხალხის აბუნტების. აბა ნავალნი თოფს კი არ ესროდა ციხიდან. გაიგეთ ერთხელ და სამუდამოდ რომ რუსეთი არის ჭაობი. არავითარ საერთაშორისო კანონებს ეგენი არ ემორჩილებიან და რატომ გინდად ჭაობში ჩაძირვა?
მიკვირს,ოჯახი არ ითხოვს ექსპერტიზაზე თავიანთი წარმომადგენლის დასწრებას