მნიშვნელოვანი ინფორმაცია
6
ივლისიდღის ზოგადი ასტროლოგიური პროგნოზი
ორშაბათი, მთვარის მეცამეტე დღე დაიწყება 20:04-ზე, მთვარე მშვილდოსანს ესტუმრება 02:05-ზე –
კარგია ჯგუფური მუშაობისთვის, ახალი ინფორმაციის მოსაპოვებლად, ახალი სასწავლო ციკლების დასაყენებლად. საყოფაცხოვრებო ნივთების დაგროვების, შეძენისა და წარმოების დღე. კარგია პურის გამოცხობა. შეიტანეთ კორექტირება ბიზნესში და გააფართოვეთ გავლენის სფეროები. ხელი მოაწერე ხელშეკრულებებს. კარგია თანამშრომლების დაქირავება, საჯარო ღონისძიებების ჩატარება. მიიღეთ ახალი ინფორმაცია, გაიუმჯობესეთ განათლება. იმუშავეთ გუნდში და განიხილეთ აქტუალური საკითხები კოლეგების ან თანამოაზრეების გარემოცვაში. აქტიური ორგანოებია: თეძოები, ვენები, საჯდომის ნერვი. ფაფა, ბოსტნეული და ხილი შეუცვლელია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ერთი შვილის მოკვლა მეორის გამო, არ შემეძლო..." - უიშვიათესი მოვლენა მედიცინაში: როგორ ცხოვრობენ 7 წლის დები, რომლებიც ევროპაში ერთადერთ მოზარდ სიამის ტყუპად ითვლებიან
20:41 / 18-02-2024
2016 წელს სენეგალში დაბადებული მერიემის და ნდეიეს ექიმებმა ოჯახი გააფრთხილეს, რომ გოგონებს რამდენიმე დღის სიცოცხლე ეწერათ. ისინი ახლა 7 წლისანი არიან და მთელ ევროპაში ერთადერთ მოზარდ სიამის ტყუპად ითვლებიან. იმის მიუხედავად, რომ გოგონებს საკუთარი უნიკალური ხასიათები და განწყობები აქვთ, იმისთვის, რომ იცოცხლონ, ერთმანეთზე არიან დამოკიდებული.
მერიემის და ნდეიეს მამა, იბრაჰიმა აცხადებს, რომ ის დღევანდელი დღით ცხოვრობს: "როცა თავიდანვე გეუბნებიან, რომ იმედი არ არსებობს, უკვე აწმყოთი ცხოვრებას იწყებ".
- სიამის ტყუპის დაბადების ფენომენი საკმაოდ იშვიათია და დაახლოებით 189 000 დაბადებულიდან 1 გვხვდება ასეთი. სიამის ტყუპი ბავშვების დაახლოებით ნახევარი გარდაცვლილი იბადება, მესამედი კი დაბადებიდან 24 საათში იღუპება.
ასე რომ, მერიემის და ნდეიეს მეშვიდე დაბადების დღის აღნიშვნა არა მხოლოდ გოგონების მამას, არამედ იმ ექიმებსაც ახარებთ, რომლებიც მათზე დაბადებიდან ზრუნავენ.
მერიემსა და ნდეიეს ერთი წყვილი ფეხი და ერთი მენჯი აქვთ, მაგრამ თითოეულს აქვს ზურგის ტვინი და გული. გოგონებს 24 საათიანი მეთვალყურეობა სჭირდებათ, თუმცა ისინი მებრძოლი ბუნებით გამოირჩევიან და სკოლაში მეგობრებთან ერთადაც დადიან:
"ისინი ნამდვილი მებრძოლები არიან. მერიემი ძალიან მშვიდი, ინტროვერტი ბავშვია, მაგრამ ნდეიე სრულიად განსხვავებულია, ის ძალიან დამოუკიდებელია,"- ჰყვება გოგონების მამა.
იბრაჰიმა სირთულეებზეც საუბრობს: "ვერ ვიტყვი, რომ ეს ყველაფერი მარტივია, მაგრამ დიდი პრივილეგიაა. თავს იღბლიანად ვთვლი, რომ სიცოცხლისთვის მუდმივი ბრძოლის მოწმე გავხდი."
ექიმების თავდაპირველი ვარაუდით, ახალშობილი ტყუპის გადარჩენის საუკეთესო შანსი მათი განცალკევება იყო. საბოლოოდ, ოჯახი 2017 წელს დიდ ბრიტანეთში ჩავიდა სამკურნალოდ. იბრაჰიმა იმედოვნებდა, რომ ცნობილი საავადმყოფო მის გოგონებს გააცალკევებდა და დაკარში ოჯახის დანარჩენ წევრებს დაუბრუნდებოდნენ, მაგრამ ეს არ გამოვიდა. ანალიზებმა დაადგინა, რომ მერიენის გული ასეთი რთული ოპერაციისთვის ძალიან სუსტი იყო.
"ჩემი ერთი შვილის მეორის გამო მოკვლა არ შემეძლო. ვერ მივცემ თავს უფლებას, რომ ავირჩიო, ვინ იცოცხლებს და ვინ არა",- ამბობს იბრაჰიმა. გოგონების დედა აფრიკაში დაბრუნდა სხვა შვილების მოსავლელად, ტყუპი კი მამასთან ერთად დიდ ბრიტანეთში დარჩა: "ჩემი, როგორც მშობლის პასუხისმგებლობაა, რომ გოგონებს გვერდში ვყავდე, ეს იქნება ჩემი ცხოვრების აზრი".
წყარო: bbc
მოამზადა: ანა სიბოშვილმა
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ ცვლის ხელოვნური ინტელექტი ჩვენი ყოველდღიური ცხოვრების წესს?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ბრიტანეთს კიდევ სამი მჭამელი დაემატა
ვაიმე რამხელა განსაცდელია, რამხელა ძალისხმევა და ნერვები უნდა ადამიანს... ეს კაცი გმირი ყოფილა, როგორ უძლებს ამ ყველაფერს??
ეჰჰ, რა დაუნდობელი და უსამართლოა ეს ცხოვრება....